ل ڕۆژه‌ك وه‌ك ئه‌ڤرۆ 20\06\2006  عه‌زیز محه‌مه‌د شێروانی و هه‌ڤژینا وی بده‌ستێ باندا خه‌سره‌ۆ گۆران دهێنه‌ تیرۆركرن

عه‌زیز شێروانی و هه‌ڤژینا وی چه‌وا و بۆچی ژلاێ خسرۆ گۆرانڤه‌ هاتنه‌ كوشتن؟!

لگۆری به‌لكه‌ و شه‌واهدێن بۆیه‌رێ..

ل رۆژه‌ك وه‌ك ئه‌ڤرۆ عه‌زیز محه‌مه‌د حه‌سه‌ن شێروانی و هه‌ڤژینا وی سه‌وره‌ ره‌قیب عه‌سكه‌ر ئاكره‌یی ل حی الجزایر- موسل هاتنه‌ تیرۆركرن.(تاوانبارێن ڤێ تاوانێ به‌رپرسێ لقا 14 یا وی ده‌می خه‌سره‌و گۆران و محه‌مه‌د ئه‌مین كۆچه‌ر و گرۆپه‌كا مافیایی یا كه‌سوكارێت خه‌سره‌و گۆران بوون، كو سه‌ره‌ڕای ئاشكرا بوونا ڤێ تاوانێ و به‌لگه‌ێن پێدڤی لێ پارتی ژبه‌ر به‌رژه‌وه‌ندیێن خۆ چاڤپۆشی ل خوینا پێشمه‌رگێ دێرینێ پارتی و هه‌ڤژینا وی كر، هه‌رچه‌ندی كو شێروانی و بارزانی ژی بوون.

عه‌زیز محه‌مه‌د حه‌سه‌ن شێروانی ژدایكبۆێ ساڵا 1952 بۆ و ل ساڵا 1967ێ د ته‌مه‌نێ 15 سالیێ دا دچیته‌ ناڤا ڕێزێت چه‌كداریا مالا مسته‌فا بارزانی و دبیته‌ پێشمه‌رگه‌. ساڵا 1970   دبیته‌ چایچیێ مه‌لا مسته‌فای ل باره‌گاێ وی ل حاجی ئۆمه‌ران. هه‌تا 6\3\1975 ێ و ئاشبه‌تاڵێ. ئانكۆ 5 ساڵا چایچیێ مه‌لامسته‌فای بویه‌. ماوه‌كێ ل شنۆ دژیت. دیسا ل سالا 1985ێ بۆ تا ساڵا 1988ێ و ئه‌نفالێ دیسا چه‌كێ پێشمه‌رگاتیێ دگه‌ل مالا بارزانی هلدگریت ل باله‌كایه‌تی و خواكوركێ و چه‌ندین جهێن دی. ل ساڵا 1990ێ ناڤبه‌را عه‌زیز محه‌مه‌دی و نێچیرڤان بارزانی كێشه‌ك دروست دبیت كو توشی سڤكاتی و ئێشانێ دهێت، له‌ورا دگه‌ل خێزان و زاڕۆكێن خۆ ڤه‌دگه‌ڕیته‌ عێراقێ و ل موسل ئاكنجی دبیت. پشتی سه‌رهلدانێ ژی دیسا ژبه‌ر وێ سڤكاتی و شكاندنا ژلاێ بنه‌ماڵێ ڕازی نابیت ڤه‌ناگه‌ڕیته‌ هه‌رێمێ و ناڤ ڕێزێت پارتی و هه‌ر ل موسل دمینیت.
هه‌تا سالا 2003ێ و هلوه‌شینا رژێما به‌عس كو هه‌ر ل موسل دبیته‌ پارتی لی ب مه‌رجا كو په‌یوه‌ندیێن وی دگه‌ل نێچیرڤان بارزانی نه‌بن و ل باره‌گاێ لقا پارتی كارێن خۆ یێن سیاسی ده‌سپێ دكه‌ت. وی ده‌می خسرۆ گۆران به‌رپرسێ لقا 14 یا پارتی ل موسل بۆ و محه‌مه‌د ئه‌مین كۆچه‌ر ئیداریێ لقێ بۆ. ل وی سه‌رده‌می وه‌ك دهێته‌ زانین گه‌له‌ك كوشتن و ڕه‌ڤاندن و بازرگانیا ب مرۆڤان هه‌بۆ كو لگۆری به‌لگه‌ و زانیاریێن بنه‌جھ ژلاێ ئه‌ندامه‌كێ لقا پارتی یا 14 ل وی سه‌رده‌می،  خسرۆ گۆران ژی د ڤی كاریدا ده‌سته‌كێ به‌رفره‌ھ هه‌بۆ كو گه‌له‌ك ب ڤێ رێ سه‌رمایه‌كا مه‌زن لێك دده‌ن.  ژیده‌ر ڤان زانیاریان ژی ئاشكه‌را دكه‌ت كو عه‌زیز محه‌مه‌د ئاگه‌هدار دبیت كو كه‌سوكارێت خسرۆ گۆران ڤان تاوانا دكه‌ت و خه‌لكێ دڕه‌ڤینن و ب پاره‌ ئازاد دكه‌ن یان ژی دكوژن. بڤی ڕه‌نگی عه‌زیز محه‌مه‌د روبه‌روی خسرۆ گۆران دبیت و ڤێ زانیاریێ دگه‌هینتێ و وی لسه‌ر ڤێ تاوانێ هایدار دكه‌ت، لی بێ كو بزانیت خسرۆ بخوه‌ ژی دگه‌ل ڤان كه‌سوكارێن خۆ شریكه‌. ل وێرێ ناڤبه‌را عه‌زیز محه‌مه‌د شێروانی و خسرۆ گۆران شه‌ڕه‌ده‌ڤ و جره‌یه‌ك توند چێ دبیت. عه‌زیز محه‌مه‌د وی هایدار دكه‌ت كو دێ ڤان زانیاریان ب به‌لگه‌ و شه‌واهد ڤه‌ گهینته‌ جهێن په‌یوه‌ندیدار، ژ وان تاوانا ژی گرتنا كه‌سێن بی تاوان و ب پاره‌ به‌ردان، به‌ردانا گرتیێن تاوانبار ب پاره‌، كوشتنا گه‌له‌ك كه‌سان ب غه‌در و ڕه‌شكوژی و بێ ناڤ و نیشان. ل هه‌مان شه‌ڤێ عه‌زیز محه‌مه‌د دگه‌ل هه‌ڤژینا وی پێكڤه‌ ل ده‌مژمێر 30\6 نیڤ ب چه‌كێ بێده‌نگ دهێنه‌ تیرۆركرن، ئه‌ڤ كه‌سیت هێرشكه‌ر كو دیاره‌ ئه‌ندامێت باندا خسرۆ گۆرانن دیار دبیت كو كوردن و ب كوردی ئاخڤینه‌، ژبه‌ر كو وی ده‌می كوڕێ عه‌زیز شێروانی یێ بناڤێ (سه‌میر) كو ته‌مه‌نێ  وی 13 ساڵ بۆ ل وێ مالێ بۆیه‌ لێ ژبه‌ر كو لسه‌ر بانی نڤستبۆ شیایه‌ ساخ بمینیت، هه‌كه‌ ئه‌و ژی نه‌دما دساخ و لگۆر ده‌ربرینێت وی زارۆكی و ژنه‌كا قاتێ خارێ یا شقا ئه‌و تێڤه‌ دژیان ئاشكه‌را دبیت كو ئه‌ڤ كه‌سه‌ كورد بۆینه‌ و ب كوردی ئاخڤینه‌، وه‌ك ده‌ربڕینا ڤێ ژنێ 2 ترومبێل به‌ر ده‌ری بۆینه‌ كو ئه‌وان ژی ب كوردی ئاخڤیه‌.

  گرۆپا باندا به‌رپرسێ له‌قا 14 یا پارتی خسرۆ گۆران پشتی ڤێ تیرۆرێ ل حی الجزایر ته‌ڤاهیا ماڵا وان ته‌فتێش دكه‌ن و هه‌رچی به‌لگه و نڤیس و هه‌تا ئالبۆما ته‌سویرێت وان ژی دگه‌ل خوه‌ دبه‌ن و ژناڤ دبه‌ن. هه‌لبه‌ت ماڵا وان ژی تالان دكه‌ن ژ هه‌رچی پاره‌ و زێر و چه‌ك و سه‌رمایه‌كا هه‌بیت.
لگۆری زانیاری و ده‌ربڕینا سه‌میر كورێ 13 سالیێ عه‌زیز شێروانی پشتی ڤێ بۆیه‌رێ دبینیت ئێكسه‌ر ب ته‌له‌فۆنێ په‌یوه‌ندیێ ب له‌قێ دكه‌ت و ڕه‌وشێ بۆ وان دبێژیت، لێ  پشتی ده‌ربازبونا ئێك ده‌مژمێر و نیڤێ شنی ئۆتۆمبێله‌ك ژله‌قا 14 دهێنه‌ جهێ بۆیه‌رێ و ماڵا وان، ئه‌ڤه‌ لده‌مه‌كێ بۆ كو قۆناغا ناڤبه‌را لقێ و ماڵا عه‌زیز محه‌مه‌دێ قوربانی تنێ 5 بۆ تا 7 خۆله‌كا ژێك دویره‌. د هه‌مان رۆژێ لگۆری ده‌ربڕینا سه‌میری ته‌له‌فۆنه‌ك بۆ وی دهێت و ب كوردی و ده‌ڤۆكا گۆرانا دبێژنه‌ سه‌میری "مخابن كو مه‌ نه‌زانی تو ل وی جهی بۆیه‌ هه‌كه‌ تو ژی نه‌دمایه‌ ساخ"

ماڵبات و كه‌سوكار و كورێن عه‌زیز محه‌مه‌دی سكالاێ لسه‌ر خسرۆ گۆران تۆمار دكه‌ن ل ده‌ف بنه‌ماڵا مه‌سعود بارزانی لێ چ ئه‌نجامه‌كێ ناگرن. هه‌لبه‌ت پشتی ماوه‌كێ ژلاێ خسرۆ گۆران ڤه‌ بنه‌ماڵا عه‌زیز شێروانی دهێته‌ هایداركرن كو "وه‌رن مه‌ تاوانبارێت كوشتنا دایك و بابێ وه‌ په‌یداكرن، لێ نه‌ب زیندی و مه‌ كوشتینه‌، هه‌م ژی ئه‌لبۆم و داتایێت ل مالا وه‌ هاتینه‌ دزین ل مالا وان هاتینه‌ په‌یداكرن" لێ كه‌سێت كوشتی هه‌می عه‌ره‌ب بۆن، له‌ورا ماڵباتا عه‌زیز شێروانی دبێژن كو كوژه‌رێت دایك و بابێ مه‌ لگۆری شه‌واهدێن بۆیه‌رێ كوردنن نه‌ك عه‌ره‌بن، وه‌ ئه‌ڤ سیناریۆیه‌ ب كوشتنا هنده‌ك بێ تاوانێت دی دروست كریه‌. ئانكۆ ئه‌و ئه‌لبۆم و داتایێت كو ل ویرێ په‌یدا بۆین ژی ژلاێ خسرۆ گۆران ل وێرێ هاتینه‌ دانان و به‌لگا ژ سه‌دی سه‌د ئاشكرایه‌ كو خسرۆ گۆران تاوانباره‌كێ مه‌زنه‌ كو دڤێت بهێته‌ سزادان.

ئه‌ڤه‌ ئه‌و تاوانه‌ كو بسه‌رێ ماڵ و خێزانا ئه‌ندامه‌كێ پارتی بخۆ هاتی بده‌ستێ به‌رپرسێن بلند یێ پارتی كو ئه‌ندامه‌كێ سه‌ركرداتیێ یه‌ و تنێ ژبۆ نخافتنا به‌لگێن تاوان و كوشتن و دزیێت وی، دو ئه‌ندامێت پارت ی یێت بێ تاوان تیرۆردكه‌ت، تشتێ هه‌ری خرابتر ژی ئه‌ڤه‌یه‌ كو ئه‌ڤ كه‌سه‌ ئه‌ندامێ سه‌ركردایه‌تیا پارتیه‌ و ل 2010ێ سه‌رۆكێ لیستا هلبژاردنێن پارتی و ئه‌ندام په‌ڕله‌مانێ پارتی ژی و هێشتا ژی به‌رپرسه‌كێ پایه‌بلند دناڤ پارتیدا.