ل ڕۆژه‌ك وه‌ك  ئه‌ڤرۆ 20\02\1992 كچا كورد به‌یان زه‌ینه‌لعابدین ل به‌هدینان وه‌ك ب سه‌دان كچ و ژنێن دیێ یێن كورد ب ده‌ستێ ته‌جاوزكار و سه‌ركردێت پارتی و ماڵا بارزان دهێته‌ ته‌جاوزكرن و تیرۆركرن.

به‌یان زه‌ینه‌لعابدین خویندكارا زانكۆیا موسلێ بۆ لێ ماڵا وێ ل دهۆكێ بۆ، رۆژه‌كێ ده‌مێ  ژ موسلێ ڤه‌دگه‌ریته‌ دهۆكێ ل مه‌ها 20\02\1992  بێسه‌رۆشوین دبیت.

راستیا بێسه‌رۆشوین بونا به‌یانێ ب ڤی ڕه‌نگی بوو:

به‌یان ل زانكۆیا موسل  ل قوناغا 4ێ و دوماهیێ بوو. زه‌ینه‌لعابدینێ بابێ به‌یانێ كه‌ساتیه‌كێ مامۆستا و ڕۆشنبیر و ناسیار ل ده‌ڤه‌را دهۆك و ئامێدیێ بوو.  كه‌سه‌كێ زانا د بوارێن سیاسی و مه‌كته‌بێن سۆسیالیزمێ بۆ و ل ساڵێن 1960 مامۆستاێ خاندنگه‌هێ ل ئامێدیێ بویه‌، كو لبه‌ر نه‌ته‌وه‌یی بونا وی ژلاێ حكومه‌تا عراقێ ڤه‌ دهێته‌ گرتن و ئێشاندن و زیندان كرن.

مسته‌فا بارزانی داخاز ژێ دكه‌ت به‌شداری رێزێن چه‌كداریا دگه‌ل وی ببیت، لێ ئه‌و ڤێ چه‌ندێ ڕه‌د دكه‌ت ژبه‌ر كو ئه‌و كه‌ساتیه‌كێ هشیار و زانا بۆ دبوارێ روودان و بۆیه‌رێن د شۆره‌شا كوردیدا دقه‌ومین و هه‌م ژی وی باوه‌ری ب عه‌شایری و خێله‌كی بونێ ژی نه‌بۆ. له‌وا گه‌له‌ك زیانا ژلاێ تاخمێ بناڤێ شۆڕه‌شێ ژی دبینیت لێ ل ئاماده‌ییا كاوه‌ لسه‌ر كارێ خوه‌ یێ مامۆستاتیێ به‌رده‌وام دبیت و گه‌له‌ك خانده‌ڤانێت كورد ل دهۆكێ لبه‌ر ده‌ستێ وی رابۆینه‌.

تاخمێ بنه‌مالا بارزانی ده‌ستا ژێ به‌رناده‌ن و ژلاێ فازل متنی ڤه‌ چه‌ندین جارا دهیته‌ بانگ كرن بۆ كو بگه‌هیته‌ ڕێزێت وان، كو ئه‌ڤه‌ ژی تاكتیكه‌كا كه‌ڤن یا تاخمێ بنه‌مالا مسته‌فا بارزانی بۆیه‌ كو به‌رده‌وام هه‌وڵ داینه‌ كه‌سێن هشیار و خودان كه‌سایه‌ت نه‌چار بكه‌ن دگه‌ل وان بن یان ژی نابیت هه‌بن، لێ نه‌ زه‌ینه‌لعابدین و نه‌ ژی زارۆكێن وی ڤێ داخازێ قه‌بیل ناكه‌ن ژبه‌ر كو زاڕۆكێن وی هه‌می كه‌سێن رۆشنبیر و ده‌رچۆیێت زانینگه‌هێ بۆن .

ل دوماهیێ وه‌ك كلتۆرێ وان یێ هه‌مێشه‌یی بریار ژلاێ مالا بارزانی دهێته‌ دان دڕبه‌ك ل مالا وی بهێته‌ وه‌شاندن، لێ ژبه‌ر ناڤداری و به‌رنیاسیا بنه‌ماڵا وی نه‌شیان راسته‌وخۆ دربا لێ بوه‌شینن و بڕێكه‌كا ڤه‌شارتی گورزه‌كێ نه‌جوامێرانه‌ ل مالباتا زه‌ینه‌لعابدینی دوه‌شینن و وه‌ك پتریا جاران ژلاێ فازل متنی پلانه‌ك دهێته‌ رێك خستن كو ئه‌و ژی ڕه‌ڤاندنا كچا گه‌نج و هشیارا زه‌ینه‌لعابدینی بۆ ل 20ی مه‌ها 2 یا ساڵا 1992ێ و هه‌تا نوكه‌ ژی ئاسه‌وارێن وێ دیار نینن.

دوماهیێ دبێژنێ لێ نه‌گه‌رن ئه‌و كچ نه‌مایه‌. ژ ئه‌گه‌را ڤێ داخا گران بابێ به‌یانێ توشی جه‌ڵتێ دبیت و گیانێ خۆ ژده‌ست دده‌ت.

دوماهیێ ئاشكه‌را دبیت كو به‌یان ژلاێ لژنا ئه‌منی یا پارتی هاتیه‌ ره‌ڤاندن و نێزیكی شه‌ش مه‌هان هاتیه‌ ته‌جاوزكرن و ئه‌شكه‌نجه‌دان و دوماهیێ ژی هاتیه‌ كوشتن.

ئه‌ڤ تاوانه‌ لگۆر پێزانیێنێن راست و دروست ژبلی فازڵ متنی بده‌ستێ ڤان چه‌ند كه‌سا بڕێڤه‌ چۆیه‌:

كامیران سندۆری ئێكه‌ ژ مدیرێن دیوانا فازل متنی ، سه‌عید بامه‌ڕنی كو ب عه‌سلی خۆ بێدوهی به‌رواری یه‌ لی ب ڤی پاشناڤی یێ به‌رنیاسه‌، سالم كۆره‌ماركی به‌رپرسێ ئاسایشێ، ئه‌ڤ سێ كه‌سه‌ بۆ ماوێ شه‌ش مه‌ها ڤێ كچێ ل زیندانه‌كا ڤه‌شارتی ل زاویته‌ جودای ئه‌شكه‌نجه‌كرنێ ته‌جاوزی سه‌ر ڤێ كچێ دكه‌ن و تا دوماهیێ دوگیان دكه‌ڤیت و پاشی ژی ب زارۆكێ د زكیدا پێكڤه‌ ژلاێ وانڤه‌ دهێته‌ كوشتن و جه‌نازه‌ ژی دهێته‌ بێسه‌رۆشوین كرن.

ل گۆری ده‌ربڕینێت پاسه‌وانه‌كێ وی ده‌می هاتیه‌ ڤه‌گێڕان كو ئه‌ڤ كچا كورد ل زیندانێ ژلاێ فازل متنی و كامیران سندۆری و سه‌عید بامه‌ڕنی و سالم كۆره‌ماركی ڤه‌ ب زۆرێ دهاته‌ سه‌رخۆشكرن و پاشی ژی ته‌جاوزكرن.

دێ ل رۆژه‌كا نێزیك جه‌نازێ ڤێ كچا كورد هێته‌ په‌یداكرن و دێ هێته‌ لێكۆلین كرن و ئه‌ڤ تاوانا مه‌زنا مالا مه‌سعود بارزانی دێ ل مێژوویێ ب په‌لێن ڕه‌ش بۆ هه‌تاهه‌تا هێته‌ تۆماركرن.