هند جارا ئەم ڤێ پرسێ دکەین، ئەرێ چما مامۆستیێ دهۆکێ چ هەلویستەکێ لهەمبەر دەسەەسەرکرن و دادگەهکرنا مامۆستا بەدەل بەرواری وەرناگرن؟ دبیت هزرا ماموستایان ئەوە ئەو ژی بکەڤنە هەمان سزا، لێ بێدەنگی ژی نەرەوایە، هەروەسا دەربرینا ڤێ پرسیارێ ب مەرەما وێ یەکێ نینە، ئەم ئەگەران کومڤەکەین، ژبەرکو چ مامۆستایەکێ چ ئەگەرەکێن سەرەکی نینە،  لێ بمەرەما وێ یەکێ یە هەستێ بەرپرسارەتیێ جارەکا دی نووی کەینەڤە، کودەنگیەک درۆست ببیت، کو بهەر رێیەکێ بیت هەلویستەک بهێتە پێش و هەڤچەپەر و وەفادارێن کەس و هەلگرێن پەیامێن خۆ بی.

نەرەوایە ل گەرمیان و قەلادزێ و چەند دەڤەرێن دی خرڤەبوون لهەمبەر ئازادکرنا بەدەل بەرواری بهێنەکرن، و دهۆک یا بێ هەلویست بیت، هەڤدەم بەدەل بەرواری نوونەرێ مامۆستایێن نەرازیێن دهۆکێ یە، و ل دهۆکێ هیچ تشتەک نەهێتە دیتن، زێدەباری وێ یەکێ کو پشکەکا کێم ژ مامۆستایێن رێزدار هەلویست هەبووینە و ل هەمبەر دادگەهێ بەرهەڤبووینە، لێ ژبەرکو ب تبلێن دەستان دهێنە  هەژمارتن، نابیتە فشار لسەر حکومەتێ، پێدڤیە هەڤگرتن دروست ببن، و داوی جار تو هەولا روخاندنا حکومەتان ناکەی بتنێ داخۆازیەکە، دەستبەرداری مافێن خۆ نەبن و وەفادار و هەڤخەم و خۆدان هەلویستبن دگەل خەمخۆر و هەڤپیشەیێن دلسۆز دگەل هەوە دا.

فەرە چ بهێتەکرن، ئەگەر ترسا هەوە ژی ژ دەستەسەرکرن و زیندانکرنێ یە، بتنێ کارەکێ بکەن لێ ب هەڤگرتی، ل رۆژا یەک شەمبی  ل دەمژمێر 8ێ شەڤ، هەر مامۆستایەک وێنەکێ بەدەل بەرواری بهەلگریت و وێنەکێ دگەل بگریت، و ل لاپەرێن خۆ یێن فەیسبۆکی بەلاڤ بکەن، و هەر فەترەکێ دووبارە بوون هەبیت، ئەگەر 25% ژ مامۆستایێن دهۆکێ ڤی کاری بکەن، دێ فشار لسەر حکومەتێ مەزنتر بیت، دبیت هوون هەست ب دەرئنجامان نەکەن، لێ دەرئەنجامان دێ هووین بخۆ بینن، داویجار ئەم هەمی دێ پەسنا هەڤگرتن و دلسوزیا هەوە کەین. گازی و دەنگ بلندکرنا بەدەل بەرواری ژ بوو تەڤایا مامۆستایان بوو، چەند جار قوربانیدان و بسەرمال داگرتن و دەستەسەرکرن و زیندانکرن و ژیانا ڤەدەر ژ زارۆکێن خۆ، بۆ بەرژەوەندیا گشتی بوویە، هەتا نها ژی کو لهەمبەر دادگەهێ یە هەر رەمزێ داکوکیکرن ژ مافێن مامۆستایایە، ئێدی فەرە هوون ژی یا لسەر هەوە پێدڤی بکەن، ئەم پێدڤی جڤاکەکێ هەڤگرتینە داکو نەبینە قوربانی.