هەواڵ
مه‌سعود بارزانی ئاریشێ دئێخته ناڤبه‌را دوو پسمامێن خۆدا
Friday, 08.14.2020, 02:26 PM
به‌ری چه‌ند روژه‌كا كێشه و ئالوزی دناڤبه‌را ئه‌دهه‌م عوسمان ئه‌حمه‌د بارزانی، و سه‌باح سلێمان عبدالسلام بارزانی دا دروست دبیت، ل سه‌ر پارچه زه‌ڤیه‌كێ ل ده‌ڤه‌را بارزانی، و مه‌سعود بارزانی ژی پشتا سه‌باحی دگریت.
كێشه وی ده‌می ده‌ست پێدكه‌ت كۆ ئه‌دهه‌م بارزانی دلێ خۆ دبه‌ته گونده‌كی ل هنداف بارزان كو دبێژنێ "ببانا" و دڤێت لوی گوندی مێرگه‌ها خۆ ئاڤاكه‌ت، لێ سه‌باح سلێمان بارزانی كۆ نها مه‌سعود بارزانی كریه نوینه‌رێ خۆ ل ده‌ڤه‌را بارزان، دبیته رێگر و ئه‌و پارچه زه‌ڤیێ بو خۆ رادكه‌ت.
پشتی هنگی ئاریشێ دبه‌نه ئالێ مه‌سعود بارزانی، ئه‌و ژی پشتا سه‌باح سلێمانی دگریت و ئه‌دهه‌می پشتگوهـ دهاڤێژیت و پێ خۆش نابیت مالا خۆ ل مه‌سیفی بینته ده‌ڤه‌رێ.
ئه‌دهه‌م ژی توڕه ده‌بیت و بریاردایه بئێكجاری مالا خۆ باركه‌ت و بچیته ئیرانێ، ده‌ست ژپارتی بكێشیت.
ئه‌دهه‌م ژبه‌ره‌بابێ شێخ ئه‌حمه‌د بارزانی یه، و سه‌باح ژبه‌ره‌بابێ شێخ عبدالسه‌لام بارزانی یه، واته باپیرێن هه‌ردوویان برانه دگه‌ل مه‌لا مسته‌فا بارزانی.
ئه‌دهه‌م بارزانی دگه‌ل مامێ خۆ "محمد خالد" پشتی شكه‌ستا 1975ێ ب پشته‌ڤانیا كۆمارا ئیسلامی وده‌زگه‌هێ ئیتلاعاتێ "حزب الله" دروست دكه‌ن.
لێ ل سالا 1997 حزبا خۆ دهه‌لوه‌شینیت و دچیته دناڤ رێزێن پارتی دا.
بو زانین ئه‌ڤه جارا سێیێ یه كۆ ئه‌دهه‌م بارزانی ژپارتی دوور دكه‌ڤیت، لێ دبه‌رێ دا ببریارا مه‌سعود بارزانی دكه‌نه سه‌روكێ ئه‌نجومه‌نێ پارتی ل سلێمانیێ.
وبابێ وی ژی، شێخ عوسمان ئه‌حمه‌د بارزانی، ل دژی مه‌لا مسته‌فای چه‌ك هه‌لگرت و گه‌هشته‌ف حكومه‌تا به‌عس دسالێن حه‌فتێیاندا، هه‌تا كومكوژییا بارزانیا ل قوشته‌په‌ی دهێته به‌رزه‌كرنة دشالاوا بناڤێ ئه‌نفالێ دا.
ئه‌دهه‌م بارزانی برێكا كورێن خۆ هیڤی و هه‌ڤاڵ و برایێ خۆ سه‌میعی، بلوكێ خۆ یێ بازرگانی هه‌بوو، لێ نه‌هاتیه زانین بو #TEVDAPressكا كا دێ كۆڕ و برایێن خۆ ژی دگه‌ل خۆ به‌ته ئیرانێ یان دێ بتنێ باركه‌ت.
ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس
بابەتی لەیەکچوو
بابەتی تر
وێنە
راپرسی
