نێچیرڤان بارزانی بۆ خۆی هەستی پێکردووە تەنانەت مەترسی ئەوەی هەیە کە لەلایەن مەسعودی مامی و مەسروری کوڕی پلانی کوشتن و لەناوبردنی بۆ دانرابێت،  ئەو سەرچاوەیە بۆ یەکەم جار ئەو نهێنییەی بۆ تەڤداپرێس باس کرد، کەوا ماوەیەکە نێچیرڤان لە گیانی خۆی دەترسێت، بۆیە کۆمەڵێک لە کەسە نزیکەکانی خۆی کە پاسەوانی تایبەتی خۆیەتی، شەش کەس لەو پاسەوانانەی ناردۆتە فڕۆکەخانەی نێودەوڵەتی هەولێر، کە چاودێری فڕۆکە تەیبەتەکەی خۆی بکەن، شایانی باسە لە فڕۆکەخانەی هەولێر کە دەچیتە ژوورێ بە لای دەستەڕاستدا شوێنی تایبەتی بنەماڵەی بارزانییە لەوێوە دەست پێدەکات، کە راستەوخۆ ئەندامانی بنەماڵەی بارزانی سواری فڕۆکە تایبەتەکانی خۆیان دەبن، نێچیر ئیستا ئەو شەش پاسەوانەی خۆی ناردووە لەوێ پاسەوانی فڕۆکە تایبەتەکەی خۆی بکەن. نەک کاتێک گەشتی پێکرد تەقینەوەیەک رووبدات، ئەو جۆرە کارەساتانە لە مێژوودا زۆر روویان داوە. سەرچاوەکە ئەوەشی باسکرد، کە کاتێک ئەمەی کردووە لێیان پرسیوە بۆچی پاسەوانی خۆت ناردووە، تەنیا وەڵامێک نێچیرڤان وەڵامی داوەتەوە، ئەوەبووە، کە منیش حەز دەکەم پاسەوانی خۆم لەوێ هەبێت.