ئەو کەسەش ناوی ماهیر عەزیز لە دایکبووی ساڵی ١٩٨٢ـە و دانیشتووی شاری هەولێرە، پێشتر ئەندامی ئەنجومەنی هەرێمی هەولێری تەڤگەری ئازادیی بووە، بە وتەی نەریمان ئەحمەد: چوار ڕۆژ پێش ئێستا لەلایەن ئاسایشی دارەتووی هەولێرەوە بانگکراوە بەبیانووی دەرنەکردنی مۆڵەتی نیشتەجێبوون لەو گەڕەکەی نوێیەی کە ماڵەکەی بۆ گواستووەتەوە، بەڵام دواتر دەستگیرکراوە.

شایانی باسە دوو ساڵ پێش ئێستاش ماهیر عەزیز هەر لەلایەن ئاسایشی پارتییەوە لە هەولێر دەستگیرکراوە و زیاتر لە ١٥ ڕۆژ لە زینداندا بووە، بە وتەی هاوڕێیەکی ماهیر  باسی کرد، کەوا پێشتر لە زینداندا ئەشکەنجەی سەخت درابوو و پلاتینەکەی دەستی شکێندرابوو.

تەڤدەری ئازادی لەو بارەیەوە روونکردنەوەی داوە و دەڵێت لەماوەی ٢٠ ڕۆژی ڕابردوودا ئەمە شەشەمین ئەندامی تەڤگەری ئازادییە کە لە هەولێر دەستگیرکراوە، بۆیە لەو بارەیەوە  ٣٦ کۆنسوڵخانە و باڵیۆزخانەی وڵاتان لە عێراق و هەرێمی کوردستانیان لێ ئاگادارکردۆتەوە، هەروەها بڕیاریانداوە لە لایەنە پەیوەندیدارەکانی عێراقیشەوە کار لەسەر کەیسی پێشێلکارییەکانی سنووری هەولێر و دهۆک بەرامبەر ئەندامەکانیان بکەن.