حکومەت و ڕاگەیاندن

Friday, 12.24.2021, 12:14 PM

بەدرێژایی 29ساڵی رابڕدوو دەسەڵاتدارانی هەرێمی کوردستان راگەیاندنیان بۆ مەرامی سیاسی و خواستو بەرژەوەندیەکانی خۆیان وحزبەکانیان بەکارهێناوە وبەردەوام بەبێ گوێدان بەپرەنسیپە کۆمەڵاتی وکەلتوری وفەرهەنگێکان هەرچی لەبەرژەوەندی خۆیان وحزبەکانیان بوە بەستایل وتەکنیکی هونەریەوە دەزگاکانی راگەیاندنیان ئاراستەکردوە ،
لەڕابردودا راگەیاندن وێزگەیەکی گرنگ بوە بۆشۆرش وئازادی وەلەهەمان کاتدا سەنگەرێکی بەهێزو کاریگەر بوە بۆ جەنگی ناوخۆلەنێوان لایەنەکاندا.

- لەئێستاشدا زۆر جار وەلەهەندی قۆناغدا لەرێگای ڕاگەیاندنەوەپەیام ومەسیجەکان ئاراستەی یەک دەکەن هەندێک جاریش بۆئاشتەوایی نێوانیان دوولایەنی دەسەڵاتداری هەرێمی کوردستان جەنگی راگەیاندن دەکەن بە رایەڵەوپردی دانووستاند بۆ رێکەووتن لەسەر دابەشکردنی دەسەڵات وپۆست و سەروەت وسامانی هەرێمی کوردستان.

- هەرگیز دەسەڵاتدارانی هەرێم ئەولەویەتی کردنەوەی دەزگاکانی راگەیاندن وپەخشکردنی پرۆگرام وبابەتەکانیان لەپێناو بەرزکردنەوەی ئاستی ڕۆشنبیری وهزری وبەهێزکردنی هەستی نەتەوەی ونیشتیمانی نەبوە بەپێچەوانەوە بەردەوام بۆ چەواشەکردن و بەرپەرچدانەوەوکێبرکێ ناشەریفانەی یەکتر بەکاریان هێناوە.

- هەرکات راگەیاندن ڕۆڵی خۆی بینی وئەرکی پیشەیی وئیتیکی رۆژنامە نوسی خۆی بەجێهێناوە ڕوماڵی نارەزایەتیەکانی کرد حکومەت دەکەوێتە دەستگیرکردنی ڕۆژانەمەنوسان وداخستنی دەزگاکانی راگەیاندن وبڕینی هێڵەکانی ئەنتەرنێت پێی وایە بەداخستنی میدیاکان وبرینی نێت ، جەماوەر هێوردەبێتەوە دەستبەرداری ماف وداوا وڕەواکانیان دەبن.

- وەزارەتی رۆشنبیری دەزگاکانی راگەیاندن ئاگاداردەکاتەوە لەڕوماڵ وگواستنەوەی خۆپیشاندانەکان لەبەرامبەردا هەرەشەی داخستنیان دەکات منیش دەڵێم کام وەزارەت وەکام رۆشنبیری نا کاکی وەزیر ئەوە هەنگاونانە بەرەوە کپکردنی دەنگی ئازادودەنگە جیاوازەکان ئەوە هەنگاو نانە بەرەو دکتاتۆریەتی دەسەڵاتی کوردی.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

دانیار محەمەد