هەواڵ

ڕۆژنامه‌نوسان و چالاكوانانی پارێزگای دهۆك: تكایه‌ فریای بادینان بکەون

Tuesday, 08.25.2020, 04:14 PM

هێزەکانی پارتی دیمۆکراتی کودستان (پەدەکە) ماوەی چەندین ڕۆژە لە شار و ناوچەکانی پارێزگای دهۆک و هەرێمی بادینانی سەر بە باشوری کوردستان هەڵمەتێکی بەرفراوانی ڕەشبگیری بەڕێوەدەبات و بەهۆیەوە دەیان چالاکوان، ڕۆژنامەوان، مامۆستا و زیاتر لە سەد هاووڵاتی مەدەنی دەستیگیر و زیندایکراون. وێڕای هەموو ناڕەزایەتیەکان بەرامبەر بە ڕەشبگیریەکە، بەڵام چەکدارەکانی سەر بە پەدەکە درێژە بە هەڵمەتەکە دەدەن. ئەوەش چین و تویژەکانی بادینان بەتایبەتی و کوردستان بەگشتی نیگەران کردووە.

لەو چوارچێوەیەدا، كۆمه‌ڵێك ڕۆژنامه‌نوس و چالاكوانانی پارێزگای دهۆك لە پای ئەو هەڵمەتی ڕەشبگیریەی کە هێزەکانی پەدەکە لە بادینان بەڕێوەی دەبەن، بانگەوازێکیان ئاڕاستەی ڕای گشتیی کردوە و تیدا هەڵمەتەکە بەنایاسایی و دڕندانە وەسف دەکەن و خوازیارن، هەمووان "فریای بادینان بكه‌ون".

تەواوی بانگەوازیەکەی كۆمه‌ڵێك ڕۆژنامه‌نوس و چالاكوانانی پارێزگای دهۆك بەم شێوەیە:

ئه‌م پرۆسه‌یه‌ی ڕه‌شبگیری بێ بریاری دادگا بوویه‌ و (ڕۆژنامه‌نوس، چالاكوان، مامۆستایان) به‌شێوازێكی دڕندانه‌ ده‌سته‌سه‌ركراون

بۆ به‌ڕێز/ .......

ماوه‌ی چه‌ند ڕۆژێكه‌ و به‌ تایبه‌تی له‌ رێككه‌وتی ١٣/٠٨//٢٠٢٠وه‌ تا بەئه‌مرۆ، پارتی دیموكراتی كوردستان به‌ ڕێگای ده‌زگا ئه‌منیه‌كانی پارێزگای دهۆك له‌ هه‌وڵێكی نادیموكراسی و ده‌ره‌وه‌ی چارچێوه‌ی یاسای كارپێكراوه‌كان به‌ ده‌یان هاووڵاتی، چالاكوان، مامۆستا و ڕۆژنامه‌نوسی سنوری پارێزگای دهۆكی ده‌ستگیركردووه‌ كه‌به‌پێ ئه‌وه‌ ئاماره‌ی لامانه‌ ژماره‌یان (٤٥) كه‌سه‌ و چه‌ند كه‌سێك به‌ كه‌فاله‌ت ئازاد كراون (ناوی به‌شێك له‌زیندانیكراوه‌كان له‌ خواره‌وه‌ داده‌نێین)، هه‌روه‌ها زیاتر له‌ سه‌د هاولاتی خۆپیشانده‌ر له‌ قه‌زای زاخۆ ده‌سته‌سه‌ركراون و تا ئێستا نازانرێ چه‌ند كه‌س ئازادكراون.

ئێمه‌ هۆشداری له‌ مه‌ترسی دوخی ته‌ندروستی زیندانیكراوه‌كان دده‌ن، چه‌ند خاله‌دا مه‌ترسی ئه‌م پرۆسه‌یه‌ نا قانونیه‌ و نا دیموكراسیه‌ كه‌ له‌ژێر فشاری پارتی دیموكراتی كوردستان ئه‌نجامده‌درێت ڕون ده‌كه‌ینه‌وه‌:

یه‌كه‌م: ئه‌م پرۆسه‌یه‌ی ڕه‌شبگیری بێ بریاری دادگا بوویه‌ و (ڕۆژنامه‌نوس، چالاكوان، مامۆستایان) به‌شێوازێكی دڕندانه‌ ده‌سته‌سه‌ركراون بێ هه‌بوونی هیچ تاوانێك و ته‌نانه‌ت به‌شداری خۆپیشاندانیش نه‌بوونه‌ و رێگه‌ش نادرێت كه‌سوكار و پارێزه‌ران چاوپێكه‌وتن له‌گه‌ل زیندانیكراوه‌كان ئه‌نجامبده‌ن، بویه‌ ئه‌مه‌ مه‌ترسیه‌ بۆ سه‌ر پرۆسه‌ی دیموكراسی له‌ پارێزگا دهۆك و هه‌رێمی كوردستان به‌ گشتی.

دووه‌م: دوخی ته‌ندروستی و ده‌رونی ده‌ستگیركراوه‌كان له‌ زینداندا له‌مه‌ترسیدایه‌، به‌پێ قسه‌ی یه‌كێك له‌زیندانیه‌ ئازادكراوه‌كان بۆ ماوه‌ی ٤ ڕۆژ نه‌ خواردن و نه‌ ئاویان پێ نه‌داوه‌ و له‌ ژورێكی كه‌م ئوكسجینیدا بووه‌ له‌ ئاسایشی قه‌زای زاخۆ، هه‌روه‌ها زیندانیه‌كان ئه‌شكه‌نجه‌دراون و به‌ تایبه‌تی ئاماژه‌ ناوی ڕۆژنامه‌س ئه‌حمه‌د زاخۆیی و جه‌نگیز سندی كراوا كه‌ برینداركراون و دوخیان مه‌ترسیدارن.

سێیه‌م: ئاسایشی پارێزگای دهۆك خه‌لك و چالاكوانی مه‌ده‌نی بانگده‌كات و دواتر له‌ ژێر هه‌ره‌شه‌ به‌ڵێنامه‌ی بێده‌نگبونیان پێ پڕ ده‌كاته‌وه‌، له‌ ٢١ی ئابدا به‌ مه‌به‌ستی وه‌لامدانه‌وه‌ی به‌یاننامه‌یه‌ك حه‌وت رێكخره‌ی گردبوونه‌یه‌ك بانگ ده‌كات دواتر مامۆستا دلشاد گوهه‌ری ده‌سته‌سه‌رده‌كه‌ن و چاره‌نۆسی نادیاره‌.

له‌به‌ر ئه‌وه‌ی تا ئێستا پرۆسه‌ی ره‌شبگیری وزیندانیكردن به‌رده‌وامه‌ و مه‌ترسی بارودوخی ته‌ندروستی و ده‌رونی زیندانیان و هه‌ره‌شه‌كردن له‌ چالاكوان، داواكارین و تكایه‌ هه‌ر چی زووه‌ هه‌وڵی جدی بدرێت ده‌سته‌سه‌ركراوه‌كان ئازاد بكرێن و ئه‌م پرۆسه‌یه‌ی زیندانكردنی سیاسی و ترساندن بوه‌ستنێرێت چونكه‌ مه‌ترسی له‌سه‌ر پرۆسه‌ی دیموكراسی هه‌رێمی كوردستان هه‌یه‌.

لیستی ناوی به‌شێك له‌ ده‌ستگیركراوه‌كانی پارێزگای دهۆك:

- بەدەل بەرواری (چالاكڤان) - دهوك

2- قەیدار حسێن (چالاكڤان) - ئاكرێ ..ئازاد کراوە

3- دیفاع هەركی (روژنامەڤان) - ئاكرێ ..ئازاد کراوە

4- ئومێد بەروشكی (چالاكڤان) - دهوك

5- ئەحمەد زاخویی (روژنامەڤان)- زاخو

6- فاروق عمر (روژنامەڤان) - زاخو

7- مێهڤان مەجید (روژنامەڤان)- زاخو

8- جانگیر سندی (چالاكڤان) - زاخو

9- ئازاد مەحمود (چالاكڤان) - سێمیڵ

10- ئەمجەد یوسف (چالاكڤان) - شێلادزێ

11- موسا غازی (چالاكڤان) - شێلادزێ

12- عبداللە عوسمان (هاوڵاتی) - زاخو

13- جەمال مشەختی (هاوڵاتی) - زاخو

14- عەلی شەرەڤانی (چاڵاکڤان) سێمێل

15-شكێران زێباری (رۆژنامەڤان ) ئاكرێ.. ئازاد کراوە

16-نیهاد ئورەماری (رۆژنامەڤان) ئاكرێ.. ئازاد کراوە

17- عەبدولحمید مەندانی (مامۆستا) دهۆك.. ئازاد کراوە

18- سالح عبدالجبار دۆسكی (مامۆستا) دهۆك

19- رەمەزان جبرائیل (شیلادزێ)

20- سیپان لوقمان رێكانی (شیلادزێ)

22- شیروان سەعید عومەر (چالاكڤان) دهۆك

23- كەمال رەمزی (رۆژنامەڤان) زاخۆ

24- سەباح دۆسكی (مامۆستا) شیلادزێ

25- هاشم مستەفا (باگێرا).. ئازاد کراوە

26- كاوار نەزیر (چالاكڤان دهۆك.. ئازاد کراوە

27- كاروان سادق (رۆژنامەڤان) دهۆك.. ئازاد کراوە

28- ئەیهان سەعید (رۆژنامەڤان) دهۆك.. ئازاد کراوە

29- ئازاد سپینداری (دهۆک) - دهۆک.. ئازاد کراوە

30- دڵشاد گوهەرزی (مامۆستا) دهۆك

31- جەلال چەیی (چالاكوان) شیلادزێ ..ئازاد کراوە

32- هەڤاڵ نوسرەت ( چالاكوان) - دهۆک .. ئازاد کراوە

33_محەمەد سەعید دۆسكی (ڕۆژنامەڤان) - دهۆك

34- عەبدوڵا میکائیل (چاڵاکوان) - ئاکرێ

35- میر نێروەی (ڕۆژنامەڤان) - دێرەلوک.. ئازاد کراوە

36- مەرین سەرنی (ڕۆژنامەڤان) - دێرەلوک .. ئازاد کراوە

37- یونس مەحمود (چاڵاکڤان) - دهۆک

38- یوسف سەلام (چاڵاکڤان) - سێمێل

39- ئارام شاکر (چاڵاکڤان) - دهۆک

40- عەزیز حەسەن (چاڵاکڤان) - دهۆک

41- شێروان شەرەڤانی (چاڵاکڤان) - دهۆک

42- رێبەر یاسین (چاڵاکڤان) - دهۆک

43- شێرزاد کۆچەر (چاڵاکڤان) سێمێل

44- بەختیار دهۆکی (چاڵاکڤان) - دهۆک

- گرتیێن شوفێر ل زاخو 18 كه‌س.

_به‌ ده‌یان هاوڵاتی له‌ خۆپیشاندانه‌كه‌ی ئیبراهیم خه‌لیل دا له‌ رێككه‌وتی ١٩/٠٨/٢٠٢٠ له‌ زاخۆ دەستگیر و زیندانیكراون و تا ئێستا نازانرێ چه‌ند كه‌س ئازاد كراون.

كۆمه‌ڵێك له‌ ڕۆژنامه‌نۆس و چالاكوانانی پارێزگای دهۆك

٢٥/٠٨/٢٠٢٠

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

تەڤدا پرێس