ئه‌دهه‌م بارزانی ئه‌ندامێ به‌رێ یێ سه‌ركردایه‌تیا پارتی كو به‌ری مه‌هه‌كێ ب خێزانڤه‌ چوبۆ ئیرانێ ده‌مێ دڤیا ڤه‌گه‌ریته‌ هه‌ریما كوردستانێ ب ئه‌مرێ مه‌سعود بارزانی كه‌مینه‌كا ڕێگریا ب مه‌ره‌ما ڕێگری و سڤكاتیكرنێ ل ده‌رگه‌هێ سنوری بۆ دهێته‌ ڤه‌دان. ل 7\7\2022 ئه‌دهه‌م بارزانی ده‌مێ تێپه‌ڕینا ل سنورێ حاجی ئۆمه‌ران هایداری ڤی چه‌ندێ دبیت و ژبه‌ر ڤی چه‌ندێ ژ هاتنا بۆ هه‌رێمێ پاشگه‌ز بوو.

ئه‌گه‌را ڤێ چه‌ندێ ژی دیاره‌ ڤه‌دگه‌ڕیته‌ڤه‌ بۆ ڤی چه‌ندێ كو ئه‌دهه‌م بارزانی ل ماوه‌ێن بۆری ب ده‌ست به‌ردانا ژ پۆستێ خوه‌ دناڤ پارتیدا ب ڕه‌نگه‌كێ سه‌ربخوه‌ و ب هه‌لویسته‌كێ نه‌ڕازی و ڕه‌خنه‌گری لسه‌ر سیاسه‌تێن پارتی دیار بویه‌. هه‌ر ژ وێ ئه‌گه‌رێ ژی پارتی و بنه‌ماڵا بارزانی هه‌ر د سه‌ریدا سه‌ره‌دانێن دگه‌ل ئه‌دهه‌م بارزانی سنوردار كرن و كه‌سێن سه‌ره‌دانا وی دكه‌ن د ئێخنه‌ ژێر لێپڕسینێ و سڤكاتیكرنێ، هه‌م ژی پاسه‌وانێن وی ژێ دانه‌ قوت كرن و ب هه‌مو ڕه‌نگان شه‌ڕه‌كێ پسكولۆژی یێ به‌رفره‌ھ دگه‌ل وی دده‌نه‌ مه‌شاندن كو ئه‌ڤ ڕێگریا لسه‌ر سنوری ژی ئێك ژ وانه‌.