بۆچی گرتیێن به‌هدینان ب ڕه‌نگه‌كێ یاسایی ناهێنه‌ به‌ردان؟

Thursday, 09.01.2022, 09:49 AM

ئه‌ز بێریڤان به‌رگاره‌یی ل رێكه‌ڤتی 10\05\2022 ل گۆر هه‌مان مادا 1 یا یاسایا ژوماره‌ 21 ژ دستورێ عراقێ ل 2003ێ یا په‌ڕله‌مانێ كوردستانێ ب (ایفراج شرتی) هه‌رچه‌نده‌ ل ده‌مێ یاساییدا ژی ئه‌ز نه‌به‌ردام لێ دیسان نه‌شیان من راگرن و هه‌ر ئه‌ز هاتمه‌ به‌ردان. گرتیێن لسه‌ر ڤێ مادا یاسایی لگۆر دستوری ئازادیا ب مه‌رج شمولی وان دكه‌ت ئانكۆ پێدڤیه‌ بهێنه‌ به‌ردان و چه‌ندین كه‌س ب ڤێ مادێ هاتینه‌ به‌ردان، لێ گرتیێن به‌هدینان كو ب هه‌مان مادێ هاتینه‌ سزدان ب تایبه‌ت گرتیێن شێلادزێ پێدڤی بۆ لگۆری یاسایێ ل 15\06\2022 هاتبانا به‌ردان و كاك شێروان و هه‌ڤاڵێن وی ژی ل 22\04\2022 هه‌می هاتبانا ئازادكرن، لێ هه‌تا نوكه‌ نه‌هاتینه‌ به‌ردان و هه‌تا ژ ئازادكرنا مه‌ ژی په‌شێمان بوینه‌، ئه‌رێ كێ په‌شێمانه‌؟ یاسا یان حزب؟ بۆچی؟
براستی بۆچی كه‌س به‌رسڤا ڤێ پرسیارێ په‌یدا ناكه‌ت؟
به‌رسڤ ئه‌ڤه‌ به‌رچاڤایه‌ و گه‌له‌ك ئاشكرا و رۆنه‌
دادگه‌ھ نه‌دادگه‌هه‌، هه‌كه‌ په‌شێمانی د كارێ وێدا نینه‌، پا كێ په‌شێمانه‌، حزب، كه‌واتا دادگه‌ھ بڕه‌نگه‌ك به‌رچاڤ وه‌ك لقه‌كا حزبیه‌ د ده‌ستێ پارتیدا یادی هه‌می شانۆكاریه‌!
پا بۆچی كه‌س ده‌نگه‌كێ ناكه‌ت ل سه‌ر ڤێ تاوانا گران، بۆچی سه‌رهلدان چێ نابن لسه‌ر ڤێ تاوانێ؟
هه‌رچه‌نده‌ ئه‌م بخوه‌ ژی وه‌ك ئازادیخاز نه‌ئازادین، ئه‌م ژی وه‌ك زیندانیان نه‌ دشێن هاتن و چۆنێ ل ڤێ هه‌رێما وێران بكه‌ین نه‌ خانیه‌كێ ئیجار دشێین وه‌رگرین و نه‌ ژی كاره‌كێ ل جهه‌كێ دده‌نه‌ مه‌، زكه‌كێ تێرین ده‌ها برسی، یان دڤێت ڵال و كه‌ڕ و كۆره‌ بین، یان ژی وه‌ك ئه‌یهان سه‌عید و جه‌لال شێلادزێ و كه‌سێن هه‌ڤشێوه‌ی وان ئاواره‌ بین، یان ژی نابیت بژین، ئانكۆ ئه‌و كه‌سێن ئازادن ژبلی مه‌ كو ده‌ربه‌ده‌ر بۆینه‌ و ژبلی كه‌سێن خودان هه‌لویست، كه‌سێن بێ ده‌نگ و ئازاد هه‌می ب سه‌رشۆڕی ئازادن، ته‌نانه‌ت نه‌شێن به‌رگریێ ل یاسایا خۆ ژی بكه‌ن.
ره‌وش زۆر ئاشكرا و به‌رچاڤه‌، ماده‌م وه‌سایه‌ ئه‌ڤ هه‌می بێ غیره‌تی چیه‌؟
ئه‌م سه‌ر ب لایه‌نا وژدانا جڤاكێنه‌ و نه‌ سه‌رب چ حزباینه‌، باجا غیره‌ت و كرامه‌تا نڤستیا ڤان هه‌می لایه‌نێن سیاسی و موچه‌خۆر و خه‌لكێت دی یێن كۆره‌ و كه‌ڕ و لالێن ڤێ هه‌رێمێ ئه‌م ب روح و گیانێ خۆ دده‌ین.

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

بێریڤان بەرگارەیی