_______________________

بادینی

ب بڕیارا مه‌سعود بارزانی سڤكاتی ب كه‌سێن نێزیكی ئه‌دهه‌م بارزانی دهێته‌ كرن

لگۆری زانیاریێن ته‌ڤداپرێس كوڕو كه‌سێن نێزیكی ئه‌دهه‌م بارزانی ل ده‌مێ داخلبوون و هاتنا ژ ئیرانێ بۆ كوردستانێ ب بڕیارا مه‌سعود بارزانی بێ ڕێزی و سڤكاتیه‌كا ئێكجار زۆڕ ب وان هاتیه‌ كرن، وه‌ك گومان لێكریان ژلاێ ده‌زگایێن ئه‌منی یێن حاجی ئۆمه‌ران سه‌ره‌ده‌ری دگه‌ل واندا هاتیه‌ كرن، ئه‌ڤ بێڕێزیه‌ ژی ل به‌ر چاڤێ خه‌لكێ هاتیه‌ ئه‌نجامدان داكو وه‌سا بده‌نه‌ دیاركرن كو ئه‌ڤه‌ كه‌سێن به‌رگومانن.

ته‌ڤدا ئاگه‌هدار بویه‌ ل 28\08\2022 ئه‌ڤ بۆیه‌ره‌ ڕویدایه.

كه‌سوكارێن ئه‌دهه‌م بارزانی پێك هاتبوون ژ:

  1-هیڤی ئه‌دهه‌م بارزانی 2- هه‌ڤیار هیڤی ئه‌دهه‌م بارزانی 3- هێڤار ئه‌دهه‌م بارزانی 4-خێزانا هێڤار ئه‌دهه‌م

هه‌ڤده‌م سێ كه‌سێن دی ژی دگه‌ل واندا بوون كو بگشتی 7 كه‌س بوینه‌.

جهێ ئاماژه‌دانێ یه‌ كوره‌كێ ئه‌دهه‌م بارزانی هه‌ڤلنگێ مه‌سعود بارزانی یه‌، لێ دژایه‌تیا مه‌سعود بارزانی به‌رامبه‌ر نه‌یارێن خوه‌ چ كه‌سوكار و نێزیكاتیه‌كێ ناس ناكه‌ت و بدرێژاهیا ژیانا خوه‌ به‌رده‌وام بویه‌ و ئه‌ڤه‌ ژبۆ مه‌سعودی وه‌ك پێشه‌یه‌كێ لێ هاتیه‌.

ئه‌ڤ ڕه‌نگێ سه‌ره‌ده‌ریان پشتی ڤێ نه‌ كو ل ماوێن ده‌ربازبویی ب هه‌مان شێوه‌ ده‌مێ ڤه‌گه‌رینا ئه‌دهه‌م بارزانی ژ ئیرانێ به‌ر ب كوردستانێ ڕێگری لێ هاتبۆ كرن و وه‌ك گومانلێكریه‌كێ ژ لاێ هێزێن ئه‌منی سه‌ره‌ده‌ری دگه‌لدا هاتبۆ كرن. ئه‌ڤه‌ دبیت ژبه‌ر ڤێ بیت كو ئه‌دهه‌م بارزانی ژ بارودۆخێ ڤێگاڤێ یا كوردستانێ دلگرانه و ب تایبه‌تی ل قۆناغا كابینه‌یا نه‌هه‌مدا ئه‌دهه‌م بارزانی نه‌ڕازیبۆنا خوه‌ ژ به‌شه‌كا پێشهاتێن هه‌رێمێ ده‌ربڕیبوو و ژبۆ ڕووبه‌رووبونا دگه‌ل وان ڕویدانێن نه‌ڕێك كو بسه‌ر هه‌رێمێ دا دهێن سه‌ره‌ده‌ریا سه‌ركردێن ده‌ستهه‌ڵاتا هه‌رێمێ وه‌ك پێدڤی و ژهه‌ژی ڕه‌وشێ نه‌دیتبوو.