ل ڕۆژا شەمبی 1/10/2022 هەلبژارتنێن ناڤخویا پارتی بۆ کونگرێ 14 یێ پارتی ل سنورێ ناوجەداریا قەسروکێ سەر ب دەڤەرداریا شێخان هاتنە ئەنجام دان کو تێدا ژمارەکا کەسان خۆ بۆ کونگرێ پارتی بەربژێرکربوون

ل دیڤ زانیاریێن ل ناڤا بنگەهێ هەلبژارتنان گەهشتین تەڤدا پرێس،کەس و کارێن هەردوو بەربژێران محەمەد سەلیم شەرەڤانی بەرپرسێ لیژنا ناوچا قەسروک و محەمەد قاسم ل ناڤ بنگەهێ دەنگدانێ دا ب پیلان و بەرنامە تەزویر ئەنجام داینە

پولیسەک ل ناڤا بنگەهێ دەنگدانێ زانیاری ب تەڤدا پرێس داینە و دبێژیت:دوو کەس ب ناڤێن عەبدولکەریم و عەبدولستار کو دبنە برایێن بەربژێر محەمەد قاسم شەرەڤانی دهاتنە ناڤ بنگەهێ دەنگدانێ دا و تەزویرکرن ب رێکا نڤیسینا ناڤێ محەمەد قاسم لسەر وێستگەهێ دەنگدانێ و کاغەزێن کوپیکری بۆ ناڤا سندوقێ دا و هەروەسا کەسەکێ دی ب ناڤێ مقدم بەدرخان دبیتە کورێ بەربژێر محەمەد سەلیم ب بەهانەیا هندێ کو ئەفسەرەکێ پولیسایە لەورا وی شیا خو نێزیکی سندوقێن دەنگدانێ بکەت و تەزویرێ بکەت و چاچیەک ژی ل بنگەهێ دەنگدانێ دا بۆ محەمەد قاسم و محەمەد سەلیم کار دکر

وێ چاڤکانیا ب دەست تەڤدا پرێس کەفتی زێدەتر گوت: من پێ سەیر بوو دەمێ دەنگدان دوماهیک هاتی سندوق ل قەسروکێ چار قوفلە پێڤەبوون و دەمێ بۆ شێخان هاتینە رەوانەکرن سندوقەکێ ئێک قوفل پێڤەبوو و سندوقەکا دی دوو قوفل و سەرەرایی جەندین تتبینیێن دن کو مە ب چاڤێن خۆ دیتین .لسەر ڤی بابەتی و مە بەرپرسێن خۆ یێن ئەمنی ئاگەهدارکربوون بەلێ ب گرنگی وەرنەگرتن  

تەڤدا پرێس زێدەتر دیڤچوونا بابەتی کر و دیاربوو:کو رەوشا دەنگدانێ پشتی دەمژمێر 3:00 ئێڤاری بەرەڤ نەئارامیێ چوو و ب ئاشکەرایی تەزویر دهاتەکرن و خەلک گەلەک نەرازی ژی بوون تا گەهشتیە وی ئاستی ل دەمژمێر 4:40 ئێڤاری شاندەکێ بلند ژ کونگرێ پارتی گەهشتینە قەسروکێ و جهێ دەنگدانێ

لسەر ڤێ پروسا هەلبژارتنان کەسەک ب ناڤێ غایب حاجی شەرەڤانی کو ئێک ژ بەربژێرن دەرنەکەفتی بوو کو دبیتە نەڤیێ عەبدولا ئاغایێ شەرەڤانی کو مالباتا وی ئێک ژ مالباتێن بەرنیاسێن بەهدینانن پشتی دەرنەکەفتنا وی ل هەلبژارتنان دا پەیامەکێ ل تورا جڤاکیا فەیسبوکی بەلاڤ دکەت کو ناڤەروکا پەیامی وی دا دیاردبیت هەلبژارتن هاتینە تەزویرکرن و دژی وی هاتینەکرن

هەژی ئاماژەپێکرنێیە بەریا نوکە ژی ل جەندین دەڤەرێن دی ژی تەزویر ل هەلبژارتنێن ناڤخویا پارتی دا هاتبوونەکرن