هەواڵ

سایتێ ئەلمۆنیتەرا ئەمریکی راپۆرتەک لسەر رەوشا کوردستانێ و ئالوزیێن نافخۆیا پارتی و ئێکەتیێ بەلاڤکرینە

Saturday, 12.10.2022, 01:42 PM

•لڤێ رەوشا خراب دا کو ئیران گەڤا ئۆپەراسیۆنا سەربازی دکەت کو پێتڤی بوو پارتێن کوردی ئێکگرتی بان،بەلێ دەست داینە حەفکا ئێک.

•ئەڤ ململانێیە خەڵکێ هەرێما کوردستانێ ژ دەسهەلاتا خۆ بێ هیڤی کرییە دگەڵ هندێ نەشێن نانێ ژیانێ پەیدابکەن و ژیانا خۆ دئێخنە مەترسیێ دا و ب نەیاسایی دا کو بچنە ئوروپا.

•زۆنا زەر یا دەوڵەمەندە و زۆنا کەسک هەژارە ژبەرکو پتریا پارەی ل زۆنا زەر داییە.

•بەریا نوکە ئالوزیێن پارتی و ئێکەتی ئاشکەرا و دیاربوون، جەلال تاڵەبانی دگەڵ مەسعود بارزانی بوو،بەلێ نوکە ئالوزی گەلەک کۆیربووینە ژبەرکو مالباتا بارزانی و تاڵەبانی نەک بتنێ دژی ئێکن بەڵکو ل ناڤ خۆ ژی دا ئالوزی هەنە.

•ل ماڵباتا بارزانی،ئالوزی و دژبەری ناڤبەرا مەسرور بارزانی و نێچیرڤان بارزانی دا هەیە،ل ناڤ ماڵباتا تاڵەبانی ژی بافڵ تاڵەبانی ب هەڤکاریا نێچیرڤان بارزانی، لاهورێ پسمامێ خۆ دەرێخستیە کو هەڤسەرۆکێ ئێکەتی بوو.

•بەشەکێ دی یێن ئاریشان دابەشکرنا داهاتیە کو بافڵ تاڵەبانی دگەڵ پێگەهێ راپۆرتا نەفتا عێراقێ بەحس کربوو.

•قوباد تاڵەبانی نیگەرانە ژ هندێ مەسرور بارزانی پشتی گەڤێن ئەژی ئەمین پەیوەندی پێ نەکرییە و دبێژیت:ئەز کەسەک نینم کو مامەڵەکرن دگەڵ من یا نەخۆش بیت،ل کابینا هەشت من و نێچیرڤان بارزانی پشتا ئێک و دوو دگرت.