دابان شەدەڵە ئەندامی سەركردایەتی یەكێتیی نیشتیمانیی كوردستان و بازرگانێك بەناوی بەڵێن عەلی بەگ پارچەیەك زەویان وەرگرتووە بەبڕی پێنج ملیۆن دۆلار فرۆشتویانە.

بەپێی زانیارییەكان دابان شەدەڵە لەڕێی قوباد تاڵەبانیی پارچەیەك زەوی بەناوی كۆمپانیایەكی بازرگانێك بەناوی بەڵێن عەلی بەگ لەناوەڕاستی شاری كەلار بەڕووبەری چوار هەزار مەتر وەرگرتووەو لەماوەی دوو مانگی رابردوو بەزیاتر لە پێنج ملیۆن دۆلار فرۆشتویانە! بەڵام دوای ماوەیەكی كورت بافڵ تاڵەبانیی پێی زانیوەو گرفتی گەورەی دابان و ئەو بازرگانە دروستكردووەو داوای گێڕانەوەی پارەكانی كردووە بۆیە دابان شەدەڵەو ئەو ناو بەڵێن عەلی یەگ-ە خۆیان شاردۆتەوەو نایانەوێ‌ لەگەڵ بافڵ روبەروو ببنەوە.

دابان شەدەڵە جێگری فەرمانگەی پەیوەندییەكانەو بەڵێن عەلی بەگ-یش لەسەرەتای ئینقیلابەكەی ناوخۆی یەكێتیی نیشتیمانیی كوردستان هاتە سەر شاشەی میدیاكانی یەكێتیی باسی لەلاهور شێخ جەنگی دەكرد گوایە هەڕەشەی لێكردووە.