هەواڵ

بۆچى مەسعود بارزانى بلەز پەیام بەلاڤکر

Friday, 01.27.2023, 11:11 AM

ل دیڤ چەند زانیاریێن هەواڵگیریا عێراقێ: پارتى ژ ترسا ڕادەستکرنا مەلەفێن نەفتێ ب بەغدا مژیلی دووبار ئالوزیێن پەیوەندیێن ناڤبەرا بەغداد و هەولێرە، دەزگەهێ پاراستنێ ژی شرین فوئاد مەعسوم دێخیتە ژێر گوشارێ دا.

ڕۆژا بووری مەسعود بارزانى ل پەیامەکێ دا دادگەها فیدراڵى ب "بەعسی"پێناسەکر هەڤدەم پشتی هنگی ژی سەرۆکایەتیا هەرێما کوردستانێ و پارتى ب گشتی بڕیارا وان ب نەشارعى دانا.

ل دیڤ ژێدەرێن هەواڵگیریا عێراقێ، ٢٤ دەمژمێران بەریا بڕیارا دادگەهێ، پارتى یا ئاگەهداربوو کو ئەڤ بڕیار دەربچیت،ژبەر هندێ وەک ئامادەکاری بۆ هەڵمەتەکا سیاسی و میدیایی:"داخاز ل فرسەت ئەحمەد کرینە لێدوانەکا ڕۆژنامەڤانی دژى دادگەها فیدراڵى بەلاڤ بکەت، ئەڤە ژی بۆ هندێ زێدەتر دادگەهێ پال بدەت بڕیارا خۆ دەربکەت".

هەر ژ دووهی پشتی بڕیارێ، پارتى و هەڤکۆلکێن وان یێن سیاسی ب توندى دژى بڕیارا دادگەها فیدراڵى راستیان سەبارەت ب بڕیارا قەدەغەکرنا ٤٠٠ ملیاران، ب کێمترین ماوە کەفتنە دژایەتیا ڤێ بڕیارێ.

چاڤکانیەک نێزیک ژ پارتى ب تەڤدا گوت:"هەڵمەتا پارتى ئامادەکارییە بۆ هندێ دووبارە پەیوەندیێن ناڤبەرو هەولێر و بەغداد ئالوزبکەنەڤە ل پێناڤ چەند ئەگەران، ئێکەم: باوەریا پارتى وەسایە بەرەڤ پێشچوونا پەیوەندیێن ناڤبەرا هەولێر و بەغداد کاریگەرى لسەر ڕادەستکرنا مەلەفێ نەفتێ دێ بیت ب بەغداڤە ئەڤە ژی زیانەکا سیاسی و ئابووریەکا مەزن ل پارتى دێ هێتە دانان، دوو: پارتى ل دەڤ ئەمریکیان خاستا هەبوونا پەیوەندیێن دگەڵ بەغدا دەربڕییە،بەلێ ژ ڕاستی دا نەڤێت وی کاری بکەت ژبەر هندێ ئەڤ بڕیارە دێ بیتە بەهانە ب دەست پارتیڤە هەتا کو دانوستاندنان نەهێلیت،ژبەرکو پشت راست بوویە ژ هندێ رەوشا نەفتێ بۆ ساڵا ٢٠٢٣ ژ ئاستەکێ مامناڤەند و سەردایی مامناڤەند دێ راستیت، حکومەت دێ شێت ئیدارا خۆ بکەت".

سەبارەت ب بڕیارا دادگەهێ و هۆکارێن ڤێ بڕیارێ، پارتى بخۆ پێ باش بوویە و ب نهێنی بزاڤکرینە هەتا ڤی کاری بکەن،چونکە باوەریا پارتی وەسایە"ئەڤە دێ بیتە ئەگەرێ کویرکرنا ناکۆکىێن هەولێر و بەغدایێ"، ئەڤە ژی جهێ گومانێیە دوو دادوەرێن کورد ئەڤ بڕیارە واژووکریینە.

ل دیڤ چاڤکانیەکا تایبەت ب تەڤدا پرێس:"مەسرور بارزانى فەرمانکرییە بۆ لێدان ژ پێگەهي بافڵ تاڵەبانى سەرۆکێ ئێکەتی و ڤەشارتنا دەستێ خۆ ل پشت ڤێ بڕیارێ، تۆهمەتا ڤێ بدەنە پاڵ بافڵ تاڵەبانى کو بڕیارە ب پاڵپشتیا وێ دەرکرییە، هەر ژبەر هندێ شەڤا بووری دژەتیرۆرا پارتى پەندەکا پیرمێردی دەربارەی هندێ دانا، ئەڤڕۆ ژی شرین فوئاد مەعسوم لل ژێر گوشارێن پاراستنێ دڤێ دەربارێ دا پەیاما خۆ بەلاڤکرییە و نەڕاستەوخۆ هێرش دکەتە سەر ئێکەتیي و تۆهمەتبار دکەت کو ئەو بەوپرسە".

ئەو بابەت و هەواڵانەی کە ناوی نووسەرەکانیان دیار و ئاشکرایە، تەنیا
نووسەرەکەی بەرپرسیارە، نەک تەڤداپرێس

تەڤدا پرێس