دەمێ داخوازکرنا مافان یێب سەرڤەچوی وەرن دا پێکڤە ب بینە دۆکێل و ڤۆلکان و پەقین ب دز و تالانچیێن سەڕوەت و سامان و مافان ڤە، کوردستان وارگەهێ باب و باپیرێن مەیە و چارەنڤیس و ئایندەیێ زارۆکێن مە تێدا یێ بەرزەیە، گەر ئەم نەبینە پەرژان ئەرێ کی دێ بیتە دیدەڤان و پشتەڤان، دەستێن هەوە دخوش بن چاڵاکڤان و مافخوازان دەمێ ژیانا خوە دکەنە قوربان بۆ بدەستڤەئینانا مافێن گەلەکێ هەژار و بێخودان، فەرە خەلکێ کوردستانێ هەمی پێکڤە ببنە پالەوان بۆ راکرنا ئەڤی ئەرکێ هندە گران،

ئەرێ کەنگی ئازادی ل بن سیستەمەکێ دکتاتوری بویە پەرژان! ئازادی دێ چەوا بڤی رەنگی ل وەڵاتێ من  بیتە مێهڤان، باشورێ کوردستانێ یا بویە زیندان بۆ وان ڕۆمەتخوازا ئەوێن بدژی سیتەمێ ڤێ بنەمالێ،

ئازدی ل وڵاتێ مە نەهاتیە بەرجەستە کرن بتنێ ئەو ئازادی نەبیت یا د بەرژەوەندیا دەستهەلاتێ دا؟

باشورێ کوردستانێ زیندانەکە بۆ وان کەسا یێن کو ب دژی حکومرانیا ڤێ بنەمالێ! هەر دمێ هزرێن ئازاد بوینە مەترسی لسەر بەرژەوندیا دەستهەلاتا ڤێ بنەماڵێ ئەو یێن بدژێ وان کەس و هزرا راوەستیاین،

دەستێ خوە یێن برییە کبکرنا وان مافخوازان،  بچ رەنگێ هەیی یێن بێدەنگ کرین چ گرتن و گوشتن و ، زیندانکرن و ئەشکەنجەدان و توهمەتان،،،، هتد،

لەوما گرنگە خەلکێ شەرەفمەندێ کوردستانێ بگشتی دەستێن خوە بکەنە تێکدا بۆ ژ ناڤبرنا ڤێ زۆلم و ستەمێ و چارەنڤیسێ زارۆکێن خوە نەکەنە قۆربان چونکە هەر خالەکا دکتاتوریەت پێ دهێتە پێناسەکرن ئەڤان یا لسەر خەلکێ هەژار تاقیکری و هاوڵاتیێن نەرازی یێن کەتیە بن بەندێن ڤێ دکتاتوریەتێ

نمونە ژی د زۆرن کو گەلەک مێرخاسان جانێ خوە یێ کریە قوربان مینا شەیدایێ ئازادیێ وەدات حسێن!!

ئەز دخوازم ئاماژێ بخالەکا گرنگ بکەم ئەو ژی بیرا خەلکێ کوردستانێ ب نمونەکا مەڵا مستەفا بارزانی بینم

دەمێ مەسعود بارزانی ل ژیێ (١٣ / ١٤) سالیێ ئینایە ناڤ رێزێن پێشمەرگەهی، وی دەمی خەلکی ژ بەر ڤیان و حەژێکرنا دۆزا کوردی و هەبۆنا کیانەکێ سەربەخو بۆ کوردستانێ باوەر دکر کو مەسعود ل ڤی ژیێ بچویک یێ هاتیە دناڤ رێزێن پێشمەرگەهی ژ کورد پەروەریا ڤێ بنەمالێ یە لێ خەلکی نەد زانی بۆ درێژە پێدانا حکومرانی و دەستهلاتداریێ یە! گازندا من نەش ژ مرۆڤێن وی دەمی یە بەلکو ژ کەسێن ڤی سەردەمی یە؟!

دەمێ کو نێچیرڤان بارزانی و مەسرۆر بارزانی هەمان رێچکە باپێرێ خوە مەڵا مستەفای بکار ئینایی ب نمایشکرنا کورێن خوە بۆ ناڤا سیاسەتێ،

خەلکێ مە هەمان هزر کر یا کو بەری (٦٠) ساڵان بابو باپیرێن وان دکر، ئەی خەلکێ کوردستانێ کەنگی دێ پێحەسیێنن ئەڤ کریارێن ئەڤ بنەمالە دکەت دژی بەرژەوەندی و پێگەهێ کورد و کوردستانێ یە