جڤاته‌ك ژ كه‌سایه‌تی و مامۆستا و چالاكڤانێت دهۆكێ هه‌وڵ دان ئاگرێ نه‌ورۆزێ نه‌ل بن چ ئالایه‌كێ حزبی بلند بكه‌ن، لێ ژلاێ هێزه‌كا چه‌كدارێن ئه‌منی یێن سه‌ر ب دهۆكێ ڕێگری لێ هاته‌ كرن.

پێشتر مامۆستا به‌ده‌ل به‌رواری د ماڵپه‌را خوه‌ یا فیسبۆكێ دا ڕاگهاندندبوو كو: ئەمژی ئەڤرۆ ئێڤارێ دەم ژمێر(٥ بۆ ٧) ل جادا خەدەمی یا ئێتیتێ ب جلێن كوردی و یاریێن ئاگری ئاهەنگا نەورۆزێ گێرین (ئاگری هەلكەین) هین هەمی دداخازكرینە...

لێ ل ده‌مێ ده‌سپێكا ڤێ مه‌راسمێ هێزێن ئه‌منی یێن پارتی گهه‌شتنه‌ جهێ دیاركری و ڕێگری ل پیرۆزكرنا ڤێ هه‌لكه‌فتێ كرن.

دیاره‌ ب ئه‌ڤ باژێڕ ل ژێر هه‌ژمونا ده‌وله‌تا ترك دایه‌ له‌ورا هه‌ر ره‌نگێ مه‌راسمه‌كا لگۆری ته‌قالیدێن نه‌ته‌وه‌یی نه‌ ل بن ئالایێ حزبه‌كا بن ده‌ستێ وان داگیركه‌ریان و بۆ كه‌سێن سه‌ربخۆ و نه‌ته‌وه‌یی ڕێگری لێ دهێته‌ كرن. هه‌ر وه‌كۆ هه‌رچی كوردێ نه‌پارتی بیت مافێ وی نه‌بیت ڕێوڕه‌سمێت نه‌ته‌وه‌یی بگێڕیت، وه‌كی دیار دبیت پارتی ژ هه‌ر خڕڤه‌بۆنه‌كا بێهنا نه‌ته‌واتیێ ژێ بهێت دتڕسیت.

مامۆستا به‌ده‌ل به‌رواری پشتی ڤێ ڕێگری كرنێ ل سه‌ر ماڵپه‌را خۆ نڤیسی:

نەورۆزا ئەڤ سالە ل هەر كوردەكێ ئازادو سەربەخۆ چاڤ نەترس و (نەكۆێلە و دیڤەلانك و خۆفرۆش و سیخورو تێكدەر) پیرۆزبیت ...
ئەڤرۆ دەمژمێر پێنجێ ئێڤاری مە چەندین (زیندانیێن بادینان) و دگەل زارۆكێن خۆ چەندین هەڤالان ، لبەر بوو ئەم ئاگرێ نەورۆێ یێ ئەڤ سالە ل رەخ جادا خەدەمی ل ئێتیتێ هەلكەین ، مە ئاگرێ خو هلكر و هێشتا باش بەرنەببوو دارێن مە (هێزەكا ئەمنی) هات و داخاز ژ مەكر هەر نوكە ڤێرێ چولكەین هندی مە گوتێ هەتا ئاگرێ مە هەلببیت مە چ چالاكی نینن ژبلی ئاگرهەلكرنێ و هاڤێتنا یاریێن ئاگری دێ ژڤێرێ چین گوت نەخێر دێ ڤێگاڤێ چولكەن ...

من باش دزانی ئەگەر چولنەكەین دێ گەلەك نەخۆشكەن و زارۆك دگەل مە بوون.
ژبەر ئەڤێ چەندێ مە نە دخواست هیچ نەخوشی یەك دناڤبەرا مە و وان چێبیت لەورا مە وێرێ چولكر و هەر ئێك چوو مالا خو و دارێن مە ژی مانە لوێرێ ...