هەواڵ

سه‌باره‌ت هێرشێت چه‌ته‌گه‌ری و ئه‌لكترۆنی بۆ سه‌ر ماڵپه‌را مه‌

Thursday, 05.25.2023, 11:14 AM

به‌هدینی سۆرانی
داخازا لێبۆرینێ ژ خوینه‌رێن هێژا یێن ته‌ڤداپرێس دكه‌ین
و ڕادگه‌هینین:
دوهی بشه‌ڤ ژ ئه‌گه‌را هێرشێن ئه‌لكترۆنی ژلاێ چه‌تێن سیاسی و ئیداری یێن كوردستانێ ته‌ڤداپرێس بۆ ماوێ 8 ده‌مژمێران ژكار كه‌ت.
هێرشا ڤێ جارێ بۆ سه‌ر وێبسایتێ ته‌ڤداپرێس بخوه‌ بۆ، هه‌می هێرش ژی ژ عێراقێ هاتینه‌ سه‌ر ڤێبسایتێ مه‌ ب ڕه‌نگه‌كێ كو د ئێكده‌مدا 3420000 لۆدێن خستینه‌ سه‌ر.
ئه‌ڤه‌ ژبۆ مه‌ نه‌ تشته‌كێ نوی یه‌ و به‌رده‌وام چه‌ته‌یێن ئلكترۆنی یێن ده‌ستهه‌لاتێ هێرشێ دكه‌نه‌ سه‌رمه‌، ب ره‌نگه‌كێ كو ب ئۆپه‌راسیۆنه‌كا ڕێكخستی هه‌می پلاتفۆرمێن ته‌ڤداپرێس پێكڤه‌ كرینه‌ ئارمانج.
ئه‌ڤه‌ ژلایه‌كێ ژبۆ مه‌ جهێ دلخۆشیێ یه‌ كو دبینین ته‌ڤداپرێس ب ئازراندنا بابه‌تێن هه‌ستیار و پڕی زانیاری یێن ده‌رگرتی ل سه‌ر ده‌ستهه‌لاتا تۆتالیته‌را كوردی بگشتی ئه‌و بڕه‌نگه‌كێ بێزار كریه‌ كو ب هێرشێن جه‌سته‌یی بۆ سه‌ر ئه‌ندامێن ستافێ ته‌ڤدا ئه‌م نه‌ڕاوستاندین، ب ڤه‌كرنا كه‌یس و سكالایا ل دادگه‌هێن ئه‌وروپا نه‌م نه‌ڕاوستاندین، چ ڕێیه‌كا دی نه‌مایه‌ هه‌می هێزا خۆ یا مادی و چه‌ته‌گه‌ری بۆ هێرشێن ئه‌لكترۆنی بكار دئینن كو تنێ د قۆناغا ئێك حه‌فتیێ دا هه‌می پلاتفۆرمێن ته‌ڤداپرێس خستنه‌ بن هێرشێن ئه‌لكترۆنی یێن دژوار.
ئه‌ڤ هێرشه‌ به‌لكی كێمه‌كێ مه‌ ماندی بكه‌ت لێ قه‌ت مومكین نینه‌ مه‌ ڕاوه‌ستینیت. هیڤیدارین كه‌سایه‌تێن خوه‌دی شه‌ره‌ف و بلیمه‌ت و هه‌ڤاڵ و هۆگرێن مه‌ و دلخوازێن راستی و عه‌داله‌تێ ژی مه‌ ب تنێ نه‌هێلن و وه‌ك هه‌رجار هه‌كه‌ ته‌نانه‌ت ب كۆمنته‌كێ ژی بیت هه‌ڤشانی مه‌بن ژبۆ هێزا زێده‌تر و مۆڕالێ بلندتر!
ئه‌م ژی دێ به‌رده‌وام بین وه‌كی هه‌رجار دروشمێن خوه‌ دێ بلند كه‌ینه‌ڤه‌: (به‌رخودان، تێكۆشان، سه‌ركه‌ڤتن) ✌✌

----------------------------------------------------------------------------
سۆرانی
سه‌باره‌ت هێرشه‌كانی چه‌ته‌گه‌ری و ئه‌لكترۆنی بۆ سه‌ر وێبسایته‌كه‌مان
داوای لێبوردن لە خوێنەرانی ئازیزی تەڤدا پرێس دەکەین
و ڕاده‌گه‌ینین:
دوێنی شەو بەهۆی هێرشی ئەلکترۆنی چەتە سیاسی و ئیداریه‌کانی کوردستان وێبسايتي تەڤداپرێس بۆ ماوەی ٨ کاتژمێر لەکار کەوت. هێرشی ئەم جارە بۆ سەر خودی وێبسایتی تەڤدا پریس بوو، کە هەموو هێرشەکان لە عێراقەوە خراوەتە سەر وێبسایتەکەمان بەشێوەێک لە یەک کاتدا ٣٤٢٠٠٠٠ لۆدی خراوەتە سەر.
ئەمە بۆ ئێمە شتێکی نوێ نیە و بەردوام چەتە ئەلکترۆنیە‌کانی دەسەلات هێرش دەکەنە سەرمان، به‌جۆڕێك به‌ ئۆپه‌راسیۆنێكی ڕێكخراوهەموو پلاتفۆرمەكانی تەڤدا پرێس پێكه‌وه‌ بوونه‌ ئامانج.
ئەمە له‌لایه‌ك بۆ ئێمە جێگای دلخۆشیە کە دەبینین تەڤدا پرێس بە وورژاندنی بابەتی هەستیار و پر زانیاری نەبستراو لەسەر دەسەلاتی تۆتالیتێری کوردی تەواو سەخلەتی کردوون بە هێرشی جەستەیی بۆ سەر ئەندامانی ستافی تەڤدا نەوەستاوین، بە کردنەوەی دۆسیەی لە دادگاکانی ئەوروپا نەوەستاوین، دیاره‌ هێچ ریگاێکی تریان نەماوە ئێستا هه‌موو هێرشه‌كانی مادی و چه‌ته‌گه‌ریان خراوه‌ته‌سه‌ر هێرشی ئەلکترۆنی كه‌ تەنها لەماوەی ئەم هەفتەیەدا لە هەموو پلاتفۆرمەكانی تەڤدا پرێس هێرشی ئەلکترۆنی خراوەتە سەرمان.
ئەم هێرشانە له‌وانه‌یه‌ ماندوومان بكات بەلام هەرگیز نامان وەستێنت.
هیوادارین هاورێ و كه‌سایه‌ته‌ به‌شه‌ره‌ف و به‌لیمه‌ته‌كانمان و دۆست و دلخوازانی ڕاستی و عه‌داله‌تیش به‌ته‌نیامان مه‌هێلن، ئه‌گه‌ر به‌ كۆمێنته‌كیش بێت هاوشانمان بن بۆ هێزی زیاتر و مۆڕالی به‌رزتر!
ئێمەش بەردەوامین وەک هەمیشە دروشمەکانمان دەلێینەوە (بەرخودان، تێکۆشان، سەرکەوتن) ✌✌