ژلاێ شاسوار هه‌رشامی نڤیسكار و لێكۆله‌رێ كورد زانیاریێن گرنگ لسه‌ر سه‌لوان سه‌باح ئاشكه‌را دبن.

شاسوار هه‌رشامی دیاردكه‌ت كو ئه‌ڤ كه‌سێ مه‌سیحیێ عیراقی كو ل سویید قورعان سۆتی پێشتر ژلاێ میتێ ڤه‌ حزبه‌ك بۆ هاتیه‌ درست كرن و هه‌م ژی پشتگیریه‌كا به‌رفره‌ھ یا مادی و مه‌عنه‌وی و چه‌كداری بۆ هاتیه‌ كرن، نڤیسكار شاسوار ناڤه‌رۆكا په‌یوه‌ندیێن سه‌لوان سه‌باحی دگه‌ل میتا ترك هۆسا ئاشكرا دكه‌ت:

سه‌لوان سه‌باح مه‌تی مومیكا، ل باژارێ قه‌ره‌قۆش\حه‌مدانیێ یا ده‌شتا نه‌ینه‌وا و خێزانه‌كا كلدانی ژدایك بووه‌.

ئه‌و به‌رێ ل به‌غدا دژیا. ساڵا 2014 ب پشتگیری و لسه‌ر داخازا ده‌زگاێ میتا ترك حزبا (یه‌كێتی سریانی دیموكراتی) ئاڤاكر، كو ئه‌و بخوه‌ دبیته‌ سه‌رۆكێ وێ حزبێ هه‌تا سالا 2018.

ده‌مێ ده‌وله‌تا ترك به‌رفره‌هبوونا هێزێن یه‌په‌گێ و یه‌به‌شێ لناڤ ئێزدیێن ده‌شتا نه‌ینه‌وا وه‌ك مه‌ترسی لسه‌ر خوه‌ دبینن ڤێ جارێ ژی دیسا سه‌لوان سه‌باحی دئێخنه‌ كار و دیسا ب پاره‌ و پشتگیری و پلانێن میتێ (كه‌تیبا نسوری سریان) دادمه‌زرینن، بۆ ده‌ست بسه‌رداگرتنا باژارۆكێن به‌رتلله‌ ناڤبه‌را هه‌ولێر و موسلێ و تا قه‌ره‌قۆش. سه‌لوان سه‌باح پشتی وێ ل 2016ێ دهێته‌ هه‌ولێری دا ب به‌رده‌وامی بشێت چه‌ك و پاره‌ و بریارێن میتێ راسته‌وخۆ وه‌رگریت و زۆر ب ئاسانی شیا هێزا خۆ ل هه‌ولێرێ پرچه‌ك بكه‌ت. لێ پشتی كو ره‌یان سالم سه‌دیق كلدانی ب دروستكرنا بزاڤا (بابلییون) چۆ دناڤ هێزێن حه‌شدشعبی و قاسم سلێمانی ژی كه‌ته‌ هه‌ڤكاریێ، ئێدی پیلانێن میتێ بۆ داگیركرنا به‌تلله‌ ل  باره‌گایێن تورك ل نێزیكی به‌عشیقه‌ تێك بده‌ن و سه‌لوانی ده‌سته‌سه‌ر بكه‌ن كو دوو حه‌فتیان ل زیندانا حه‌شدشه‌عبی دهێته‌ ڕاگرتن و پاشی ده‌ست به‌ردانا خۆ ژ كارێ چه‌كداری ڕتادگه‌هینیت ئه‌و ژی وی دهنێرنه‌ كۆنسولخانا توركیا ل هه‌ولێرێ. ئه‌و ژی پشتی وێ وی دهنێرنه‌ توركیا.

ل سالا 2019 ێ ده‌مێ توركیا ڤیا گڤاشتنا بێخته‌ سه‌ر یێكه‌تیا ئه‌وروپا ب ده‌هان هزرا په‌نابه‌رێن سوریا هناردتنه‌ ئه‌وروپا كو دناڤدا ب سه‌دان ئه‌ندامێن میتێ ژ تورك و عه‌ره‌ب و كورد و ئه‌فغانی و ئیرانی تێدا بوون، كو سه‌لوان ژی دگه‌ل ڤێ پێلا په‌نابه‌ر دا ئێك ژ وان ئه‌ندامێت میتێ بۆ كو خۆ دگه‌هینته‌ ئه‌ڵمانیا و پاشی ژی سویید.

ئێكه‌م كارێ وی بۆ میتێ ل سویید ئه‌ڤه‌ بۆ كو بۆ به‌غدا بهێته‌ ڕه‌وانه‌كرن دا كو بچیته‌ ناڤ ڕه‌وتا سه‌در و به‌شداریێ بكه‌ت ل داگیركرن و سۆتنا بنایه‌تێ په‌ڕله‌مانێ عێراقێ كو شیا ڤی كاری بكه‌ڤ و ڤه‌گه‌ڕیته‌ سویید.

سه‌لوان د ناڤه‌راستا زڤستانێ تا نوكه‌ دگه‌ل پۆلیس و بنگه‌هێن داد ل سویید د ململانا ڤێ دایه‌ كو رێ پێ بهێته‌ دان بۆ سۆتنا قورعانێ به‌رامبه‌ر بالیۆزخانا عێراقێ، هه‌تا كو دادگه‌هێ به‌ره‌ڤاژی  بڕیارێن پۆلیسان ڕێ داێ ژبۆ كو ڤی كاری بكه‌ت، لێ پۆلیسان جهه‌كێ دی بۆ ڤی كاری دانه‌ دیاركرن.