ـ مەسرور بارزانی بە خێزانەوە بۆ گەشتێکی دورودرێژ چونەتە دەرەوەی هەرێم و بەپێی چاوگەکانی تەڤدا پرێس لە فرۆکەخانەی هەولێر ، مەسرور بارزانی سەرۆکی حکومەتی هەرێم لەگەڵ بەشێک لە خێزانەکەی بۆ گەشتێکی دورو درێژی هاوینی بە فرۆکەی تایبەتی خۆی لەهەرێمەوە بەرەو ئەوروپا بەرێکەوتن .

ڕۆژی دوشەمە ٣ی٧ی٢٠٢٣ کاتژمێر 2/5 ی دوای نیوەڕۆ مەسرور بارزانی لەگەڵ سەیران سابر مەلا مستەفای هاوژینی و ئارینی کوڕی و یاسمینی کچی بەشێوەیەکی پاشایانە بەرەو گەشتێکی دورودرێژی هاوینی بە ئامانجی گەشتێک بۆ ئەمریکا و ئەوروپا هەرێمیان جێهێشت.

ئەمەش لەکاتێکدایە کە ڕەوشی وێرانی سیاسی و ئابوری لەلایەک و دیبلۆماسی و بەرژەوەندی گشتیی ستراتیژی سیاسی لەلایەکی دیکە لە خراپترین بارودۆخی ٣٠ ساڵی ڕابردودایە ، و لەلایەکی دیکە خەڵکی هەرێم بەدەست بێ کاری و بێ موچەیی و بێ ئاویی و بێ کارەبایی و دایکانی شەهید لەبن دیواری نۆرەی مووچە دەکەونە بن پێ و ئازار دەچێژن .

پێشووتر و لەماوەی رابردوو گەشت و چونەدەرەوەی هەریەک لە مەسعود بارزانی و نێچیرڤان بارزانی و کوڕ و کچانی بنەماڵە لەتەڤداوە بڵاوکرابوونەوە.

--------------------------------

بادینی

لگۆر چاڤكانیێن ته‌ڤداپرێس ژ كارمه‌ندێن مه‌تارێ هه‌ولێرێ، مه‌سرور بارزانی سه‌رۆكێ حكومه‌تا هه‌رێمێ دگه‌ڵ جڤاتا خێزانا خۆ بۆ گه‌شت و گۆزاره‌كا دۆمدرێژا هاڤینی ب فرۆكا خوه‌ یا تایبه‌ت ژ هه‌رێمێ به‌ره‌ڤ ئه‌وروپا بڕێ كه‌ڤتن.

ل ڕۆژا دوشه‌نبی رێكه‌ڤتی 03\07\2023 ده‌مژمێر 5\2 یا پشتی نیڤرۆ مه‌سرور بارزانی دگه‌ل هه‌ڤژینا خۆ سه‌یران سابر مه‌لامسته‌فا و كوڕێ خۆ ئارین و كچا خۆ یاسمین بشێوه‌كێ پاشایانه‌ به‌ره‌ڤ گه‌شت و گوزار و گه‌ریانه‌كا دۆمدرێژا هاڤینێ ب ئارمانجا گه‌ریانه‌كا بۆ ئه‌مریكا و ئه‌روپا هه‌رێم ته‌رك كرن.

لگۆر زانیاری و ژیده‌ر و چاڤكانیێن ته‌ڤداپرێس ل مه‌تارێ هه‌ولێرێ ئه‌ڤ گه‌ڕیانه‌ دێ ب فرۆكا وان یا تایبه‌ت بیت و دهێته‌ به‌راورد كرن ئه‌ڤ گه‌ریانه‌ هه‌تا دوماهیا هاڤینێ ل ئه‌روپا و ئه‌مریكا ده‌وام بكه‌ت.

ئه‌ڤه‌ د ده‌مه‌كێ دایه‌ كو ڕه‌وشا وێرانا سیاسی و ئابۆری ژلایه‌كێ و یا دیپلۆماسی و به‌رژه‌وه‌ندیێن گشتی یا ستراترژیا سیاسی ژلایه‌كێ دی د خرابترین بارودۆخێ 30 سالێن بۆریدایه‌، ژلایه‌ك دی گه‌لێ هه‌رێمێ ژی ژ بێ ئاڤی وبێ كاره‌بی و بێ موچه‌یێ و بی كاریێ ژ هه‌می ملان دناڵن و دایكێت شه‌هیدا لبن دیوارێن سرایا موچه‌كێ سه‌قه‌ت بن پێیا ڤه‌دمینن و نه‌هۆش دكه‌ڤن.

پێشتر ژی زانیاریێن گه‌ریانا ل جیهانا ده‌رڤه‌ی وه‌ڵاتی یا مه‌سعود و نێچیرڤان و كور و كچ و جڤاتێن بنه‌ماڵێ بره‌نگێن جودا جودا ل ڤێ ماڵپه‌را به‌رچاڤ، هاتبۆنه‌ به‌ڵاڤكرن.