ڕایید دلدار به‌رپرسێ ڕاسته‌وخۆێ ئه‌شكه‌نجا ده‌روونی و ئیداری لسه‌ر عه‌بدلره‌حمان و مه‌زلوم داغه‌

ئه‌ڤرۆ مانگرتنا هه‌ردوو زیندانی عه‌بدلره‌حمان ئه‌ر و مه‌زلوم داغ گهه‌شته 52 ڕۆژان

ل گۆری زانیاریێن ژلاێ چاڤكانیێن تایبه‌ت ژ زیندانا چاكسازیا هه‌ولێرێ كو گهه‌شتینه‌ به‌ر ده‌ستێ ته‌ڤدا پرێس:

هه‌ردوو زیندانی عه‌بدلره‌حمان ئه‌ر و مه‌زلوم داغ كو ئه‌ڤرۆ 52 ڕۆژه‌ د مانگرتنێ دانه‌ ڕه‌وشا ته‌ندروستیا وان گه‌له‌ك خرابه‌، ئه‌گه‌را مانگرتنا وان ژی ڤه‌دگه‌ڕیت بۆ جیاوازیا لسه‌ر مافێن زیندانیان و سزادانێن ب به‌رنامه‌ لسه‌ر وان ب ڕێیا پاراستنێ كو ب بڕیارا میتا ترك دهێته‌ رێڤه‌برن.

به‌رپرسێ راسته‌وخۆ یا ئه‌شكه‌نجێن ده‌رونی و جه‌سته‌یی و جوداكاریێن لسه‌ر مافێن وان ژی كه‌سه‌كه‌ بناڤێ ڕایید دلدار زێباری كو هه‌مان كه‌سه‌ یێ ب هه‌مان شێواز ئه‌شكه‌نجه‌ و جوداكاری لسه‌ر زیندانیێن بادینان ژی بڕێڤه‌ دبه‌ت.

ته‌ڤداپرێس ئاگه‌هدار بویه‌ كو بابێ ڤی ڕایید دلداری لسه‌رده‌مێ شه‌ڕێ ناڤبه‌را پارتی و په‌.كه‌.كێ ده‌مێ ژ شه‌ڕی ڤه‌دگه‌ڕیت ل سه‌ر لۆفێن سپیلكی بۆمبه‌ك پێڤه‌ دپه‌قیت و دمریت. بنه‌ماڵا ڤی دلداری ژی لگۆری ده‌ربڕینا پارتی ڤێ مرنا بابێ دلداری دئێخنه‌ ستوهێ په‌.كه‌.كێ كو زانیاریه‌كا پشتراست كری لسه‌ر ڤێ تۆمه‌تێ ژی نینه‌ و لگۆری زانیاریان وی ده‌می ئه‌ڤ مرنه‌ پتر دچارچۆڤا گومانه‌كی دا دهاته‌ زانین.

لێ ئه‌ڤ رایید دلدار زێباریه‌ وه‌كه‌ ڕێكخستنی ب شێوازێ نه‌خۆشه‌كێ ده‌روونی و تۆلڤه‌كه‌رانه‌، ژبۆ ئه‌شكه‌نجه‌دانا لسه‌ر كه‌سێن نێزیك ل په‌.كه‌.كێ ژلاێ پاراستنا پارتی دهێته‌ بكار ئینان. له‌ورا ئه‌ڤ ئه‌شكه‌نجه‌دانێن كو ژلاێ میتا ترك ڕاسپارده‌یی پاراستنێ دهێنه‌ كرن ب ده‌ستێ ڤی ڕایید دلدارێ نه‌خۆشی ده‌روونی  ژ ڕادێ ڤه‌ده‌ر دهێنه‌ ئه‌نجامدان.

هه‌مان چاڤكانی ڤێ ژی ئاشكه‌را دكه‌ت كو ژۆره‌كا تایبه‌ت و جوداكری ژ هه‌می زیندانیێن چاكسازیا مه‌زنان یا هه‌ولێری بۆ ڤێ ڤان دوو زیندانیێن ناڤبری هاتیه‌ دابین كرن و ڕێ ناهێته‌دان ب چ ڕه‌نگا نێزیكاتیا وان دگه‌ل زیندانیێن دی ل چاكسازیێ هه‌بیت