کازمی دوای دیاریکردنی ڕۆژی هەڵبژاردنی پێشوەختە لە عیراق، کەوتۆتە هەڵدانەوەی پەڕەی گەندەڵی ئیداری و ئابووریی دژ بەو دەسەڵاتدارانەی ئێستا و پێشووی عیراق کە ئالودەی گەندەلی بوون و هەژدە ساڵە گەورەترین دزی لە گەلانی عیراق دەکەن، سەروەت و سامانی ئەو وڵاتە بەهەدەر دەدەن و دەبەن. بۆ ئەو مەبەستە کازمی بڕیاری دەستگیرکردنی کۆمەڵێک کەسی داوە بۆ ئەوەی لێکۆڵینەوەیان لەگەڵدا ئەنجام بدرێت، ڕووبەڕووی دادگا بکرێنەوە کە هەنووکە ئەوە بۆتە بابەتی سەرەکیی زۆربەی میدیای عەرەبی لۆکەڵیەکان و ناوچەکە.
مەلەفی گەندەڵی گەورەترین و سەرنجڕاکێشترین و خاڵیکی پڕ هەستیارە، کە لە دوای ڕووخانی سەدام لەلایەن ئەمریکاوە هەر حکومەتێک هاتبێتە دەسەڵات، نەیوێراوە خۆی لە قەرەی ئەو مەلەفە بدات، لەبەرئەوەی ئەو بابەتە ڕیشی ئەو کەسانە دەگرێتەوە کە دەسەڵاتدار بوون، پشتیوانی کراون لەلایەن وڵاتانی دراوسێی وەک ئیران و تورکیاوە و سەڕۆکی ئەو حزبانەی کە لە لووتکەی دەسەڵاتدا بوون، نەوت و سامانە سروشتییەکان و دەروازە سنووریەکانیان لەژێر دەسەڵاتدا بوو، خاوەن میلیشیا و هێزی چەکدار و سوپا بوون کە میللەت دەرەقەتیان نەدەهات. تەنیا ئامرازێک کە میللەت هەیبوو دژی ئەوانە، ڕاپەرین و چوونە سەر شەقامی بەکۆمەڵ بوو، ئەوەبوو دەنگی ناڕەزا گەیشتە لووتکە، مانگی دەی ساڵی پار زۆربەی گەلانی عیراق لە باشوور و ناوەڕاست ئەنجامیان دا و توانیان چەند بەرهەمێکی سیاسی بەدەست بهێنن، وەک وەدەرنانی عادل عەبدولمەهدی و دامەزراندنی حکومەتێکی کاتی کە لە ئەنجامدا دۆخێک هاتە پێشێ و کازمی گەیاندە لووتکەی دەسەڵات.
بەگوێرەی میدیا عیراقییەکان کە ئامەژەیان پێداوە، کازمی لە هەڵبژاردنەکانی داهاتوودا لیستی هەڵبژاردنی دەبێت، بێگومان هەرێمیش یەکێکە لەو دەڤەرە گرنگانەی کە کازمی دەیەوێت پێگەی جەماوەری لێ بەهێز بکات و وەک عیراقیەک لە هەرسێ شاری دهۆک، سلێمانی و هەولێر لیستی هەبێت و یەکەم هەنگاویشی بۆ ئەو مەبەستە ئەو گەشتەی دواینی بوو بۆ کوردستان کە لە دوای سەدام حوسێنەوە ئەوە یەکەم جارە سەڕۆک وەزیرانی عیراق گەشتێکی لەو جۆرە بۆ کوردستان ئەنجام بدات. گرنگە ئەوە بگوترێت کە عەبادی و چەند سەرکردەی پارتی دیکە لە هەڵبژاردنەکانی ڕابردوودا هەوڵیان دا، لە کوردستان کاندیدیان هەبێت، بەڵام تێیدا سەرکەتوو نەبوون، هۆی سەرەکیش بۆ ئەوە دەگەڕێتەوە بۆ خاڵێکی زۆر گرنگ کە مەسەلەی مەلەفی گەندەڵی بوو، عەبادی و ئەوانی دیش گوێ خۆیانیان لێخەواند بوو لەسەر هەردوو ئاستی ناوەند و هەرێم.
کازمی دەستی بۆ بابەتێکی گەلێک گرنگ درێژ کردوە، ئەگەر لە ئێستاوە تا وادەی هەڵبژاردنەکان بتوانیت کۆمەڵێک لەو کەسانەی کە لەسەر ئاستی حکومەت لە گەندەڵی ئاڵابوون لە دادگا سەلمێنرا کە ئەو تاوانەیان ئەنجام داوە و سزا بدرێن ئینجا چی بە زێندانی کردنیان بێت یان چی بە گەڕانەوەی سامانی گشتی بێت بۆ خەزێنەی حکومەت ئەوا سەدا میلیۆن کازمی متمانەی گەلانی عیراق بەلای خۆیدا ڕادەکێشیت و یەکەم دەنگ لە هەڵبژاردنەکانی داهاتوودا دەهێنێت بە مەرجێک کۆنتڕۆڵی کۆمۆسیۆنی هەڵبژاردنەکان و سەنتەرەکان بکات و نەهێڵێت ساختەکاری ئەنجام بدرێت.
کازمی لە کوردستانیش یەکەم دەنگ دەهێنێت، ئەگەر بتوانێت چەند خاڵێک ئەنجام بدات بۆ گەڕانەوەی متمانەی میللەت بە حکومەت و یاسا و دەستور وەکو:
یەکەم: