لە دوای ساڵی 1991 کە بنەماڵەی بارزانی و دارو دەستەکەیان لە سەری رەش و مەسیف جێگیر کران سەرەتا لایەنە جیاوازەکانی دەرپەراند، بە چەند هەنگاوێک  لە یەکێتیەوە دەستی پێ کرد و  زۆربەی لایەنەکانی گرتەوە.   بە هەزاران ماڵە بارزانی  تێیدا جێگیر کرا و چەندین گوندی دەوروبەری راگوێزران و بە دەیان بارەگای سەربازی و حیزبی دەزگا سەرەکیەکانی پاراستن و ئاسایشی تیادا جێگیر کرا.

ئەو ناوچەیە وەکو  سەربازگەیەکی تەواو مامەڵەی لەگەڵ دەکرێت، پێشتر بەو هۆکارەی رێگای سەرەکی هامڵتۆنی پێدا تێدەپەری  نەیاندەتوانی بە تەواوەتی  دایبخەن، لە دوای کردنەوەی تونێلی پیرمام لە هەوڵی ئەوەدان بە  تەواوی پاکی بکەنەوە لە سۆرانی تەنانەت سۆرانیەکانی سەر بە حیزبەی خۆشیان.

پارتی پلانێکی نوێی گرتۆتەبەر، هەر کەسێ لە دانیشتوی مەسیف بێت، باجی بۆ دروست دەکەن بەو مەبەستەی لە بازگەکانی مەسیف بناسرێت. هیج کەسێکیش بۆ نیە لە دەرەوەی مەسیف بێت  و موڵك و خانوو لە مەسیف بکرێت جگە لەوەی دەبێت بارزانی و سەر بە  بنەماڵە بیت.   تەنها لە ساڵی 2020 زیاتر لە سەد ماڵی بارزانی  کە چەکداری سەر بە بنەماڵە ن هێنراونتە مەسیف و خانوویان بۆ کڕدیون، هۆکاری ئەمەش بۆ ئەوە دەگەرێتەوە  کە رۆژ بە رۆژ ترس و گومانیان لە هەڵچوندایە، بەڕادەیەك   متمانەیان بە  کەس نەماوە  بۆیە رێگای سێیەمیان دروستکردووە کەوا تەواو نەهێنیە وبۆ یەکەمجارە تەڤدا ئەم رێگایە ئاشکرا دەکات .

هەر وەکو ئاشکرایە زیاتر لە پازدە ساڵ بوو رێگای هاملتۆن لە ناو مەسیف لە خراپترین رێگاکان بوو، ئەوانەی بەردەوام بەو ڕێگایەدا گوزەریان دەکرد  بە ئاگابون لەوەی کە  بۆچی پارتی ئەم رێگاییەی  نۆژەن نەدەکردەوە، وەك ئەوەی خۆیان پرۆپاگەندەی بۆ دەکەن  لەم هەفتەیەدا گوایە پارەیان بۆ مووچە قەرز کردووە، بەڵام رێگاکانی خۆیان لە مەسیف  وسەری رەش بە باشترین شیواز نۆژەن دەکەنەوە، ئەوەش تەنها لە خزمەتی بنەماڵەی خۆیان.

تەنها لەماوەی ٦ مانگی رابردو رێگاێکی نوێیان لە سەریرەشەوە بۆ شارۆچکەی کۆرێ دروستکردووە کە بەسەدان دۆنم زەوی خەلکی گوندەکانی سەر ئەم ریگاییەیان داگیرکردووە، هەردو کەناری ریگاکەش تەلبەندکراوە وەکو رێگاێکی تایبەت بە سەری رەش مامەلەی لەگەک دەکەن.

بە پێی بەداو داچوونەکانی تەڤدا پرێس تێچووی ئەم رێگایە لەم ناوچەیەدا یەکجار بەرزە، بەهۆکاری سروشتی ناوچەکە کە بەردەلانیە و بەمەش تێجووی زیاتری تێدەچیت.

رێگای یەکەمی هاتوو چۆ بۆ سەری رەش  لە گوندی (گڕاوە) وە بۆ دەچێت. رێگای دوهەم لە مەسیفەوە. ئەم رێگا نوێیەش دەبێتە ریگای سێهەم. رێگای سێهەم کە رێگا نوێیەکەیە لە شارۆچکەی کۆرێ وە دەسپێدەکات بۆ گوندی گۆرەشێر، پاشان سەری رەش کە رێگاێکی تایبەتی تەلبەندکراوە و کەس بۆی نیە هاتووچۆی پیادا بکات جگە لە ئەندامانی بنەمالەی بارزانی.