لە کاتێکدا خەڵکی کوردستان هەر لە سەرەتای هاتنە سەرکاری دەسەڵاتی کوردی  لە تەواوی شار وشارۆچکەکان بە دەست کەمی کارەباوە دەناڵێنن، حکومەتی ئێراق کەموکورتی کارەبای ناوچەکانی دەرەوەی هەرێم لە ڕیگای کڕینی٤٥٠ مێگاواتەوە لە هەرێمی کوردستان پر دەکاتەوە.

لەمبارەیەوە دیار بابان بەڕێوەبەری گشتیی بەرهەمهێنانی کارەبا ڕونکردنەوەی داو ووتی؛ “ئەو ٤٥٠ مێگاواتەی باسی لێوە دەكرێت، حكوومەتی عێراق لە كەرتی تایبەت دەیکڕێت، ژمارەیەك یەكەی کارەبا هەن وەستاون و كار ناكەن، بەغدا پارە دەدات بۆ سوتەمەنیی ئەو یەکانە و بەكار دەخرێن”.

“حكوومەتی عێراق لەگەڵ وەبەرھێنەرەكان رێككەوتن دەکات، ئەوان دەبنە خاوەن كارەبا، چونكە ئێستا هەرێمی كوردستان سووتەمەنیی پێویستی بۆ بەكارخستنی ئەو یەكانە لەبەر دەستدا نییە، بۆیە ئەوە بەو شێوەیە نییە كە كارەبای نیشتمانی لە هەرێمی كوردستان ببڕدرێت و بدرێتە عێراق“.