لە کاتێکدا دو پارتە وابەستە و خیانەتکارەکانی هەردو بنەماڵەی بارزانی و تاڵەبانی بێدەنگ و بێهەڵوێست چاویان لە هێرشە داگیرکاریەکان و تاوانکاریەکانی ئێران و تورکیا دەپۆشن.

لایەن و چالاکوانانی دژ بەو هێرشانەش دەخەنە ژێر گوشارەوە و ئەندامانیان دەسگیر دەکەن. بەو ڕێگایە و بە کرداری  پشتیوانی خۆیان بۆ تورکیا دەردەبڕن و هاندەری هێرش و تاوانەکانی دەسەڵاتی فاشستی و ڕەگەزپەرستی تورکیان.

ڕۆژی ٢٥ی ئەم مانگە ئاسایشی سلێمانی بە پاساوی ڕێگری لە ڕێپێوانێک دژ بە هێرشە داگیرکارییەکانی سوپای تورک بۆ باشوری کوردستان کەوتۆتە ڕەشبگیری ئەمدامانی تەڤگەری ئازادی و چالاکوانانی ناڕازی لەو دەستدرێژیانەی تورکیا.

لە  ٢٥ ئەم مانگەوە تاکو ئەمڕۆ ٢٧ی مانگ،  ٥٥ ئەندام و لایەنگر و چالاکوان لە لایەن ئاسایشی سلیمانیەوە دەستگیر کروان  کە بە نیازبوون لە شەقامی سەهۆڵەکە گردبوونەوە دژی هێرشەکانی تورکیا ئەنجام بدەن.

پارتە بەناو ئۆپۆزسیۆنەکان و سەران و ئەندامانی فراکسیۆنەکانیان بۆ لادانی سەرنج لەسەر داگیرکاری بێگانە و خیانەتکاریەکانی پارتەکانی دەسەڵات،  خەڵکی کوردستانیان سەقاڵ کردووە بە سەمایەکی بە سۆزی  دو کچ و کوڕێك لە سەهۆڵەکەی سلێمانی.  دواجار پاش چەندین نمایشی ئایینی لە سەهۆڵەکە، بەرپرسانی حیزبە ئیسلامیەکان و   ئەندامانی فراکسیۆنەکەیان لەبری دەسدرێژیەکانی تورکیا، داواکارن سەمای کچ و کوڕەکەی سەهۆڵەکەی سلێمانی و باوەشی بەخۆڕایی هەولێر ببنە پەرلەمانەوە.