هەلبەت ئەو پەيامێن د گوتارا سەروكێ حكومەتێ دا هاتين، پەيامێن رون و ئێكسەر بوون، گەلەك بابەتێن گرنگ گرێدایى سياسەتا كابينا نوى يا حكومەتا هەرێمێ و لێكتێگەهشتنا هەولێر و بەغدا، ئابور و داهات و بەرفرەهـكرنا پشت بەستنا ئابورى نه بتنێ ل سەر نەفتێ، جێبەجێكرنا ياسا چاكسازيێ، باشتركرنا پێشكێشكرنا خزمەتگوزاريان، هاتنه دياركرن، من دڤێت لڤێرێ ئاماژه ب ياسا چاكسازيێ بده م.

ياسا چاكسازيێ ئێك ژ وان باشترين ياسايانه هەر ژ دەستپێكا پەرلەمانێ كوردستانێ تا نوكه پەسەند بووى، ئەگه ر وەك خو بهێتە جێبەجێكرن دێ پارەکێ زوور بو حكومەتێ زڤريت هەروەسان دادپه روەريەكا ئيدارى و كومەلايەتى دێ پەیدا بیتن ب تاييبەتى ل سەر ئاستێ فەرمانبەر و مووچه خوران.

يا دياره ئەڤ ياسايه پروژێ پارتى بوو ل ھە لبژارتنێن پەرلەمانێ كوردستانێ و ديڤدا ئێك ژ خالێن گرنگێن كارناما كابينا نەهێ بوو، بڤێ چەندێ پارتى بەرنامێ خو يێ هەلبژارتنان دەستپێكر.

سەرەراى دروستكرنا چەند كێشه و رێگريا ل بەرده م پەسەندکرنا پروژێ ڤێ یاسایێ ھە تا جێبەجێكرنا ڤێ ياسايێ، لێ ئەڤرو د گوتارا بەرێز سەروكێ حكومەتێ دا زوور ب رونى هات كو دێ ئەف ياسايه هێته جێبه جێكرن و جەنابێ وى دى هێته بەرەيێ خەلكى.

ئەژى دبێژم:

جێبه جێكرنا ياسا چاكسازيێ بویە هيڤييا زوربەيا خەلكى ب تاييبەتى تەخا فەرمانبەر، مووچه خوران و ڤی خەلکی بخوژی باوەری ب جدیەتا سەروکێ حکومەتێ ھەیە ژبو چاکسازیێ لەومان ب جێبەجێكرنا وێ ئەف خەلكه بخوژى دێ هێنه بەرەيێ كابينا نەهێ ب سەروكايەتيا بەرێز (مسرور بارزانى).

پەرلەمانتار/ بژار کوچەر

سەروکێ لژنا یاسایی